- Stjórnsýsla
- Þjónusta
- Mannlíf
Fræðslunefnd Fljótsdalshéraðs
1.Leikskólinn Tjarnarskógur - húsnæðismál Skógarlandi
Málsnúmer 201305073Vakta málsnúmer
Úlfar Trausti Þórðarson, framkvæmda- og þjónustufulltrúi mætti á fund nefndarinnar og kynnti stöðu mála vegna framkvæmda við húsnæði Skógarlands. Fram kom að gert er ráð fyrir kynningarfundi fyrir foreldra í Skógarlandi 21. maí nk.
2.Innritun í leikskóla Fljótsdalshéraðs 2013
Málsnúmer 201305074Vakta málsnúmer
Ólöf Ragnarsdóttir, leikskólafulltrúi, kynnti niðurstöður frumniðurröðunar nýrra nemenda í leikskólana Hádegishöfða og Tjarnarskógi.
3.Erindi frá foreldrum v. gjaldfrjáls sumarleyfis
Málsnúmer 201305085Vakta málsnúmer
Ólöf Ragnarsdóttir, leikskólafulltrúi, kynnti forsögu þess að heimilt hefur verið að foreldrar geti tekið viðbótar gjaldfrjálst leyfi fyrir börn sín umfram sumarlokun leikskólanna. Ákvörðun um að takmarka slíkar heimildir við tvær vikur í tengslum við sumarlokun hefur mætt andstöðu nokkurra foreldra. Fræðslunefnd sér ekki tilefni til að breyta fyrri ákvörðun hvað þetta varðar.
4.Leikskólinn Tjarnarskógur - skipulag skólastarfs 2013-2014
Málsnúmer 201305075Vakta málsnúmer
Guðný Anna Þóreyjardóttir, leikskólastjóri, kynnti tillögu að skipulagi skólastarfsins skólaárið 2013-2014. Formlegt skóladagatal verður birt á heimasíðu skólans. Gerð er tillaga um breytingu á niðurröðun barna á deildir, hingað til hefur meginreglan verið að deildir skólans séu aldurshreinar en nú er gert ráð fyrir aldursblöndun á deildum.
5.Leikskólinn Tjarnarskógur - beiðni um heimild til viðbótar starfsmannafunda
Málsnúmer 201303031Vakta málsnúmer
Fyrir liggur erindi frá stjórnendum leikskólans sem óska eftir að heimiluð fjárupphæð til viðbótarstarfsmannafunda verði nýtt með þeim hætti sem leikskólanum hentar best. Fræðslunefnd samþykkir það fyrir sitt leyti að því uppfylltu að það kalli ekki á frekari kostnað.
6.Leikskólinn Hádegishöfða - skipulag skólastarfs 2013-2014
Málsnúmer 201305077Vakta málsnúmer
Fyrir liggur tillaga að skóladagatali Hádegishöfða fyrir skólaárið 2013-2014 til kynningar.
7.Fundargerðir skólaráðs Egilsstaðaskóla
Málsnúmer 201209100Vakta málsnúmer
Sigurlaug Jónasdóttir, skólastjóri kynnti fundargerð skólaráðs. Lagt fram til kynningar.
8.Egilsstaðaskóli - skipulag skólastarfs 2013-2014
Málsnúmer 201305065Vakta málsnúmer
Skólastjóri kynnti tillögu að skóladagatali Egilsstaðaskóla fyrir skólaárið 2013-2014. Skóladagatalið hefur verið samþykkt í skólaráði og kynnt á starfsmannafundi. Fræðslunefnd samþykkir skóladagatalið fyrir sitt leyti.
9.Egilsstaðaskóli - nemendamál - kynnt á fundinum
Málsnúmer 201305066Vakta málsnúmer
Skólastjóri, kynnti erindið. Farið er fram á viðbótarfjárveitingu á haustönn vegna nemanda sem hóf nám eftir upphaf skólaárs. Viðbótin nemur 10 kennslustundum á viku á næsta skólaári. Viðbótarkostnaður til loka ársins 2013 er áætlaður u.þ.b. kr. 700.000. Fræðslunefnd samþykkir erindið fyrir sitt leyti og vísar viðbótarfjárbeiðninni til bæjarráðs.
10.Fundargerðir skólaráðs Fellskóla
Málsnúmer 201211040Vakta málsnúmer
Sverrir Gestsson, skólastjóri Fellaskóli, kynnti fundargerðir skólaráðs Fellaskóla frá 19. febrúar og 7. maí sl. Lagt fram til kynningar.
11.Fellaskóli - niðurstöður foreldrakönnunar 2013
Málsnúmer 201305089Vakta málsnúmer
Skólastjóri kynnti niðurstöður foreldrakönnunar Skólapúlsins. Fræðslunefnd fagnar jákvæðum niðurstöðum í foreldrakönnuninni. Niðurstöður nemenda- og starfsmannakönnunar bíða þess að fá umfjöllun meðal kennara og í skólaráði.
12.Fellaskóli - skipulag skólastarfs 2013-2014
Málsnúmer 201305068Vakta málsnúmer
Skólastjóri kynnti tillögu að skóladagatali Fellaskóla fyrir skólaárið 2013-2014. Skóladagatalið hefur verið kynnt bæði meðal starfsmanna og í skólaráði. Fræðslunefnd samþykkir skóladagatalið fyrir sitt leyti. Skólastjóri kynnti stöðu í starfsmannamálum. Jón Gunnar Axelsson, aðstoðarskólastjóri verður í leyfi skólaárið 2013-2014 til að ljúka meistaranámi, Ásta María Hjaltadóttir mun leysa hann af þetta skólaár.
13.Fundargerðir skólaráðs Brúarásskóla
Málsnúmer 201305087Vakta málsnúmer
Stefanía Malen Stefánsdóttir, skólastjóri kynnti fundargerðina. Lagt fram til kynningar.
14.Brúarásskóli - skipulag skólastarfs 2013-2014
Málsnúmer 201305067Vakta málsnúmer
Skólastjóri kynnti tillögu að skóladagatali Brúarásskóla fyrir skólaárið 2013-2014. Skóladagatalið hefur verið kynnt bæði meðal starfsmanna og í skólaráði. Fræðslunefnd samþykkir skóladagatalið fyrir sitt leyti.
15.Brúarásskóli - kynning á matsskýrslu
Málsnúmer 201305080Vakta málsnúmer
Skólastjóri kynnti niðurstöður nemenda-, foreldra- og starfsmannakönnunar í Skólapúlsinum ásamt úrbótaáætlun. Fræðslunefnd fagnar jákvæðum niðurstöðum í öllum þessum könnunum.
16.Brúarásskóli - umsókn um heimakennslu
Málsnúmer 201305088Vakta málsnúmer
Skólastjóri kynnti málið, umsóknin byggir á mikilli fjarlægð heimilis frá skóla. Fræðslunefnd samþykkir fyrir sitt leyti að skólaárið 2013-2014 verði námsskipulag viðkomandi nemanda þannig að nemandinn sæki skólann 4 daga í viku, 1 dag í viku fari nám nemandans fram heima í umsjón umsjónarkennara.
17.Skipulag skólaaksturs 2013-2014
Málsnúmer 201305086Vakta málsnúmer
Fræðslunefnd leggur til að núgildandi tímabundnu samningar um skólaakstur verði endurnýjaðir með sama hætti.
Fundi slitið - kl. 20:05.
Karl Lauritzson vék af fundi kl. 19:15. Helga Þórarinsdóttir mætti til fundar 19:15.