Félagsmálanefnd

Drög að starfsáætlun mann- og geðræktarmiðstöðvarinnar Ásheima fyrir árið 2016 eru lögð fram og samþykkt.

Drög að starfsáætlun Félagsþjónustu Fljótsdalshéraðs fyrir árið 2016 eru lögð fram og samþykkt.

Samtölublað til Barnaverndarstofu um mál sem barnaverndarnefnd Fljótsdalshéraðs og starfsmenn hennar höfðu til umfjöllunar árið 2015 lagt fram til kynningar.

Lagt fram yfirlit yfir umfang og eðli barnaverndartilkynninga á þjónustusvæði félagsmálanefndar Fljótsdalshéraðs árið 2015. Alls barst 71 tilkynning vegna 55 barna, 25 tilkynningar bárust vegna ofbeldis á barni, 23 tilkynningar vegna vanrækslu barns og 23 vegna áhættuhegðunar barns.

Lagt fram yfirlit yfir veitta fjárhagsaðstoð árið 2015. Þar kemur fram að á Fljótsdalshéraði nam upphæð fjárhagsaðstoðar alls kr. 8.076.841. Fjárhagsaðstoð hjá Seyðisfjarðarkaupstað nam kr. 2.957.426, hjá Vopnafjarðarhreppi kr. 314.345. Engin fjárhagsaðstoð var veitt á Borgarfirði eystri, hjá Fljótsdalshreppi eða á Djúpavogi.

Lagt fram yfirlit yfir kostnað vegna heimsendingu matar á Fljótsdalshéraði, en hann var kr. 6.246.850 árið 2015. Á móti þessum kostnaði koma greiðslur þeirra er fá heimsendan mat.

Lagt fram yfirlit yfir veitta heimaþjónustu á Fljótsdalshéraði árið 2015. Heimaþjónusta var veitt á alls 72 heimilum á árinu. Heildarkostnaður vegna þjónustunnar er kr. 17.991.642. Á mót þeim kostnaði koma greiðslur þeirra sem njóta þjónustunnar.

Staða rekstraráætlunar félagsþjónustunnar fyrir árið 2015 lögð fram til kynningar. Endanlegt uppgjör áætlunarinnar liggur ekki fyrir en svo virðist sem lokatölur verði í samræmi við þá áætlun sem gerð var fyrir árið 2015.

Drög að hækkun grunnfjárhæðar fjárhagsaðstoðar fyrir árið 2016 er lögð fram og samþykkt að hækka hana miðað við vísitölu neysluverðs í desember 2015. Upphæðin hækkar því í kr. 154.315 fyrir einstakling á mánuði og í kr. 246.904 fyrir hjón/sambúðarfólk. Einstaklingur með stuðning frá heimili fær helming grunnfjárhæðar eða kr. 77.158. Breytingin tekur gildi nú þegar.

Drög að uppfærðri gjaldskrá heimaþjónustu lögð fyrir og samþykkt. Breytingin tekur gildi frá 15. febrúar 2016.

Styrkbeiðni Krabbameinsfélags Austurlands tekin til umfjöllunar og synjað.

Erindi frá Fjölmenningarsetri er tekið fyrir en þar er m.a. óskað eftir upplýsingum um móttökuáætlun sveitarfélagsins vegna innflytjenda. Erindið varðar innflytjendur almennt en ekki móttöku flóttamanna sérstaklega. Í því sambandi upplýsist að sveitarfélög á Austurlandi mótuðu stefnu í málefnum nýrra íbúa árið 2009. Sú stefna varðar starfsemi sveitarfélaga með víðtækum hætti og fellur ekki sérstaklega undir verksvið félagsþjónustunnar. Nefndin leggur til að erindið verði tekið fyrir af bæjarstjórn.

Niðurstaða samkvæmt bókun í málinu.

Niðurstaða samkvæmt bókun í málinu.

Niðurstaða samkvæmt bókun í málinu.