Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór yfir staðgreiðslutölur síðasta mánaðar.

Lagður fram tölvupóstur frá slökkviliðsstjóra varðandi greiðslur fyrir fundarsetu í stjórn Brunavarna á Héraði á kjörtímabilinu.
Bæjarráð samþykkir að fela skrifstofustjóra að gera tillögu að afgreiðslu málsins fyrir næsta fund bæjarráðs.

Guðlaugur Sæbjörnsson fjármálastjóri fór yfir nýjustu samantekt sína á áætlunum frá stofnunum og nefndum sveitarfélagsins, að teknu tilliti til þeirra hugmynda að breytingum sem ræddar voru á vinnufundi bæjarstjórnar í síðustu viku.

Bæjarráð samþykkir að vísa þannig framlagðri fjárhagsáætlun 2016 og þriggja ára áætlun 2017 - 2019, til fyrri umræðu í bæjarstjórn 4. nóvember nk.
Stefnt er að því að halda almennan borgarafund á milli umræðna í bæjarstjórn þann 19. nóvember, til að kynna fjárhagsáætlun.

Fundargerðin lögð fram:

Fundargerðirnar lagðar fram til kynningar.

Vegna bókunar í fundargerð 18. okt, varðandi kaup á slökkvibíl, er bæjarstjóra faldið að óska eftir viðræðum við Fljótsdalshrepp varðandi framtíðarskipulag Brunavarna á Héraði.

Lagt fram fundarboð vegna samráðsfundar sem haldinn verður föstudaginn 30. október 2015.

Bæjarráð samþykkir að Jón Jónsson hrl. lögmaður sitji fundinn fh. sveitarfélagsins.

Lagðar fram til umsagnar reglur um bókhald og fjárhagsáætlanir sveitarfélaga.

Bæjarráð samþykkir að fela fjármálastjóra að fara yfir reglurnar og gera athugasemdir ef þurfa þykir.

Lagðar fram til kynningar ályktanir frá landsþingi Þroskahjálpar sem haldið var 16. og 17. október 2015.

Lagður fram tölvupóstur frá SSA, dags. 22. okt.2015 þar sem óskað er eftir tilnefningu sveitarfélagsins um aðalmann og varamann í samgöngunefnd Sambands sveitarfélaga á Austurlandi.

Bæjarráð samþykkir að fresta tilnefningunni til næsta fundar bæjarráðs 2. nóv. nk.

Kynnt þau erindi sem bárust á bæjarstjórnarbekknum sem haldinn var í kaffihorni Nettó fyrir rúmri viku í tengslum við lýðræðisviku sveitarfélaga.
Bæjarráð samþykkir að fela bæjarstjóra að koma erindunum á framfæri við viðkomandi nefndir og starfsmenn sveitarfélagsins.