Umhverfis- og héraðsnefnd Fljótsdalshéraðs

Fyrir liggur skýrsla frá Landsvirkjun: Fallryksmælingar við Hálslón, á Brúaröræfum og í byggð á Fljótsdalshéraði 2012.

Umhverfis- og héraðsnefnd þakkar Árna Óðinssyni fyrir kynninguna.
Að öðru leyti lagt fram til kynningar.

Fyrir liggur skýrsla frá Landsvirkjun: Gróðurstyrking við Hálslón og á Hraunasvæði - Framkvæmdir og árangur 2012. Árni Óðinsson kynnir skýrsluna fyrir nefndinni.

Umhverfis- og héraðsnefnd þakkar Árna Óðinssyni fyrir kynninguna.
Að öðru leyti lagt fram til kynningar.

Fyrir liggur skýrsla frá Landsvirkjun: Kárahnjúkavirkjun - Samantekt landslagsarkitekts við verklok.

Lagt fram til kynningar.

Betra Fljótsdalshérað er samráðsvettvangur þar sem bæjarbúum gefst tækifæri til að setja fram hugmyndir um málefni er varða þjónustu og rekstur bæjarins. Vettvangurinn er opinn öllum til skoðunar og til þátttöku gegn skráningu og samþykki notendaskilmála.

Umhverfis- og héraðsnefnd fagnar hugmyndum um aukið íbúalýðræði með slíkum vettvangi.

Samþykkt með handauppréttingu

Lögð fram drög að endurskipulagningu refaveiða. Starfsmenn kynna þau gögn sem hafa bæst við síðan málið var síðast á dagskrá.

Í vinnslu

Selskógur 2014
Tillögur að verkefnum í Selskógi sumarið 2014. Málið var áður á dagskrá 25.febrúar sl.

Umhverfis- og héraðsnefnd samþykkir að gerður verði heilsustígur í Selskógi og áframhaldandi uppbygging á svæði til heilsueflingar í Vémörk.
Nefndin felur verkefnastjóra umhverfismála að gera tillögu að frágangi umhverfis bílastæði við Eyvindarárbrú í samráði við Vegagerðina. Einnig að gera áætlun um grisjun og plöntun í skóginum fyrir sumarið 2014.

Samþykkt með handauppréttingu

Forvarnarstefna Fljótsdalshéraðs 2014-2018
Lögð fram drög að forvarnarstefnu Fljótsdalshéraðs sem hefur verið í mótun hjá fræðslunefnd. Málið var áður á dagskrá 25.02.2013

Í vinnslu

Samfélagsdagur 2014
Niðurstöður af íbúðafundi sem haldinn var 20. mars sl. til umræðu.

Umhverfis- og héraðsnefnd samþykkir að á vegum sveitarfélagsins verði farið í verkefni á eftirtöldum stöðum á samfélagsdaginn:

Skjólgarður
Tjarnargarður
Göngustígur á Lagarfljótsbakka
Opin svæði við Sláturhús

Verkefnastjóra umhverfismála falið að vinna málið áfram

Samþykkt með handauppréttingu

Geymslusvæði fyrir moltu
Umsókn um starfsleyfi fyrir meðhöndlun og geymslu á moltu sent til Umhverfisstofnunar

Lagt fram til kynningar

Tjarnarland, urðunarstaður
Svar við bréfi Umhverfis- og Auðlindaráðuneytisins vegna undanþágu til urðunar án starfslseyfis.

Lagt fram til kynningar

Freyr vék af fundi 19:52

Fyrir liggur Jafnréttisáætlun Fljótsdalshéraðs 2013-2017.

Umhverfis- og héraðsnefnd mun hafa gildi Jafnréttisáætlunar til hliðsjónar við ákvarðanatöku og störf nefndarinnar.
Að öðru leyti lagt fram til kynningar

Fyrir liggur fundargerð 67.fundar Landbótasjóðs Norður Héraðs og ársskýrsla 2013.

Lagt fram til kynningar.