Umhverfis- og framkvæmdanefnd

Skipulagsstofnun vill vekja athygli á því að lýsing fyrir gerð landsskipulagsstefnu um loftslag, landslag og lýðheilsu er til kynningar og skipulagsnefndir eru hvattar til að kynna sér efni hennar. Kynningartími er til 8. apríl 2019


Lagt fram til kynningar

Að tillögu ungmennaráðs Fljótsdalshéraðs samþykkir bæjarstjórn að stofnaður verði starfshópur um endurskoðun á núgildandi umhverfisstefnu sveitarfélagsins og að Heimsmarkmið Sameinuðuþjóðanna verði höfð að leiðarljósi við þá vinnu. Einnig verði horft til Heimsmarkmiðanna við endurskoðun aðalskipulags Fljótsdalshéraðs. Þess verði gætt að ungmennaráð eigi virka þátttöku í slíkum starfshópi.

Umhverfis- og framkvæmdanefnd leggur til við bæjarráð að starfshópur um endurskoðun umhverfisstefnu sveitarfélagsins verði skipaður einum fulltrúa frá hverju framboði, einnig verði fulltrúi úr ungmennaráði og verkefnastjóri umhverfismála í starfshópnum.

Samþykkt samhljóða með handauppréttingu.

Fyrir Umhverfis- og framkvæmdanefnd liggur fyrir erindi varðandi skógrækt á jörðinni Keldhólar.

Málið var áður á dagskrá 108. fundar Umhverfis- og framkvæmdanefndar.

Máli frestað þar sem enn vantar gögn.

Fyrir Umhverfis- og framkvæmdanefnd liggur erindi frá Fjalladýrð ehf. þar sem sótt er um byggingarleyfi fyrir þjónustuhúsnæði í landi Möðrudals.
Málið var áður á dagskrá 108. fundar Umhverfis- og framkvæmdanefndar.

Frestað þar sem enn vantar gögn

Fyrir Umhverfis- og framkvæmdanefnd liggur tillaga að óverulegri breytingu á deiliskipulagi Norðvestursvæðis Egilsstaða, breyting snýr að Lagarási 21 - 33.

Mál í vinnslu.

Umsókn um lóðina Kaupvang 23 frá Atla Vilhelm Hjartarsyni

Umhverfis- og framkvæmdanefnd felur skipulags- og byggingarfulltrúa að vinna að málinu.

Máli frestað til næsta fundar.

Umsókn um lóðina Dalsel 1 til 5 frá Hoffell ehf.


Umhverfis- og framkvæmdanefnd leggur til við bæjarstjórn að lóðinni Dalsel 1-5 verði úthlutað samkvæmt umsókn.

Samþykkt samhljóða með handauppréttingu.

Fyrir liggur bréf frá Ferðamálastofu þar sem tilkynnt er staðfesting ferðamála- iðnaðar- og nýsköpunarráðherra á tillögu stjórnar Framkvæmdasjóðs ferðamannastaða um styrkveitingu til verkefnisins "Laugavellir, Hafrahvammagljúfur og Magnahellir: Verndun náttúru og bætt öryggi gesta".

Umhverfis- og framkvæmdanefnd fagnar styrkveitingu til verkefnisins sem er brýnt.

Fyrir liggur endurskoðuð Fjallskilasamþykkt starfssvæðis SSA (áður Fjallskilasamþykkt fyrir Múlasýslur) til samþykktar eða ábendinga.

Frestað.

Farið yfir afstöðu MAST til samstarfs við Villiketti félagasamtök.

Lagt fram til kynningar.

Erindi frá Vegagerðinni varðandi gönguleiðir.

Umhverfis- og framkvæmdanefnd samþykkir erindi Vegagerðarinnar og fagnar því að unnið sé að því að beina börnum öruggari gönguleiðir í samræmi við umferðaröryggisáætlun sveitarfélagsins.
Sveitarfélagið mun leggja sitt af mörkum þannig að verkefnið nái fram að ganga.

Samþykkt samhljóða með handauppréttingu.

Erindi frá Grétu Sigurjónsdóttir þar sem óskað er eftir samstarfi um úrbætur í bílastæðamálum við Bókakaffi Hlöðum.

Mál í vinnslu.

Árskýrsla Landbótasjóðs Norður- Héraðs 2018 lögð fram til kynningar.

Lagt fram til kynningar.

Fyrirspurn frá lóðahafa um staðsetning byggingar innan byggingarreits.

Umhverfis- og framkvæmdanefnd felur skipulags- og byggingarfulltrúa að kynna erindið í samræmi við 2 og 3 mgr. 44. gr. skipulagslaga nr. 123/2010.

Samþykkt samhljóða með handauppréttingu.

Fyrir Umhverfis- og framkvæmdanefnd liggur fyrir enduskoðun á samþykkt um viðhald og uppsetningu á ljósabúnaði í dreifbýli.


Frestað til næsta fundar.