Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór yfir ýmis mál varðandi rekstur sveitarfélagsins.

Fundargerðin lögð fram.

Fundargerðin lögð fram til kynningar.

Lögð fram til kynningar 9. fundargerð stjórnar SSA frá 23. febrúar 2015.

Lagður fram tölvupóstur frá Sambandi sveitarfélaga á Austurlandi þar sem tilkynnt er að aðalfundur sambandsins verði haldinn á Djúpavogi 2. og 3. október 2015.

Lagður fram til kynningar tölvupóstur frá Skúla Birni Gunnarssyni f.h. starfsháttanefndar Austurbrúar ses. með beiðni um tilnefningar í stjórn Austurbrúar.

Kynnt samantekt Tengis um áætlaðan kostnað við lagningu ljósleiðara í dreifbýli á Fljótsdalshéraði, en þessar upplýsingar komu að miklu leyti fram á borgarafundi um þessi mál fyrir skömmu.

Fyrir liggur að mikill áhugi er að ráðast í ljósleiðaravæðingu á Fljótsdalshéraði. Bæjarráð telur mikilvægt að afla sem fyrst frekari upplýsinga um aðkomu ríkisins að uppbyggingu ljósleiðarakerfis á svæðinu, áður en næstu skref eru tekin.

Bæjarstjóri og formaður bæjarráðs gerðu grein fyrir fundi sem þeir sátu, ásamt fleiri kjörnum fulltrúum, með bændum á Jökuldal fimmtudaginn 19. mars 2015 sem snerist um stöðu mála varðandi þróun gæðastýringarverkefnis í sauðfjárrækt.

Bæjarráð Fljótsdalshéraðs telur að með gildistöku nýrrar gæðastýringareglugerðar nr. 1160/2013 séu kröfur komnar langt af leið frá upphaflegum hugmyndum um gæðastýringu, sem voru þær að beitanýting væri sjálfbær. Umrædd reglugerð gerir hins vegar beitarálag að aukaatriði, en snýst nú þess í stað mestmegnis um uppgræðsluverkefni. Bæjarráð Fljótsdalshéraðs telur eðlilegt að eldri landbótaáætlanir haldi gildi sínu enda gildistími þeirra ekki útrunninn sbr. (reglugerð nr. 175/2003 og reglugerð nr. 10/2008).
Jafnframt telur bæjarráð að taka verði nýja gæðastýringarreglugerð til endurskoðunar hið fyrsta.

Bæjarráð samþykkir að fela Stefáni Boga Sveinssyni og Sigrúnu Blöndal að fara yfir og skýra verklag við bókun nefnda og bæjarstjórnar í tengslum við fullnaðarafgreiðslu mála.

Rætt um að lokun bæjarskrifstofu vegna sumarleyfa starfsmanna verði með svipuðu sniði og undanfarin ár. Afgreiðslan verður formlega lokuð, en svarað í síma á hefðbundnum opnunartíma skrifstofunnar og reynt að leysa úr brýnum erindum.

Bæjarráð samþykkir að skrifstofunni verði lokað frá mánudeginum 27. júlí til og með föstudagsins 7. ágúst.

Lögð fram þau erindi sem bárust í viðtalstíma bæjarfulltrúa 19. mars sl.

Bæjarstjóra falið að koma erindunum á framfæri við viðkomandi nefndir og starfsmenn til frekari skoðunar og úrvinnslu.