Íþrótta- og tómstundanefnd

Fyrir liggur æskulýðsstefna sveitarfélagsins til umræðu, yfirferðar og eftirfylgni.

Íþrótta- og tómstundanefnd minnir aðrar nefndir og stofnanir sveitarfélagsins á að hafa æskulýðsstefnu sveitarfélagsins að leiðarljósi í sinni vinnu.

Samþykkt samhljóða.

Fyrir liggja umsóknir um styrki íþrótta- og tómstundanefndar sem auglýstir voru til umsóknar með umsóknarfrest til og með 15. mars 2020.

Alls bárust níu umsóknir um styrki en samþykkt var að styrkja fimm þeirra.

Íþrótta- og tómstundanefnd leggur til að eftirfarandi verkefni verði styrkt:
- Sumarbúðir KMA 2020 - Ævintýraflokkur, umsækjandi Kirkjumiðstöð Austurlands, kr. 100.000
- Tour de Ormurinn 2020, umsækjandi UÍA, kr. 150.000
- Ævintýra- og náttúruferðir fjölskyldunnar, umsækjandi Lífheimur ehf., kr. 150.000
- Stofnun rafíþróttadeildar, umsækjandi Sigrún Jóna Hauksdóttir, kr. 500.000
- Vetrareiðnámskeið fyrir krakkar, umsækjandi Freyfaxi Æskuliðsstarfsemi, kr. 150.000

Samþykkt samhljóða.

Lagðar fram til kynningar upplýsingar um stöðu íþróttafélaganna á Fljótsdalshéraði.

Fyrir liggur erindi af Betra Fljótsdalshéraði varðandi samgöngusamninga við starfsfólk sveitarfélagsins.

Íþrótta- og tómstundanefnd þakkar fyrir erindið og vísar því til vinnu við fjárhagsáætlun fyrir 2021, þá með tilliti til hreyfi- og heilsueflingarstyrks starfsfólks.

Samþykkt samhljóða.

Fyrir liggur rammi fjárhagsáætlunar íþrótta- og tómstundanefndar fyrir 2021.

Íþrótta- og tómstundanefnd felur starfsmanni að undirbúa gerð fjárhagsáætlunar m.a. í samstarfi við forstöðumenn sem undir nefndina heyra.

Samþykkt samhljóða.

Fyrir liggur bókun fræðslunefndar vegna Frístundar 2020-2021.

Íþrótta- og tómstundanefnd tekur undir með fræðslunefnd og leggur áherslu á að unnin verði aðgerðaáætlun á grundvelli skýrslu starfshóps um Frístundastarfsemi og þannig tryggt að sú framtíðarsýn sem þar er sett fram fái framgang. Nefndin leggur til að starfsmaður vinni málið áfram í samvinnu við fræðslustjóra.

Íþrótta- og tómstundanefnd tekur undir þá áherslu á að við niðurröðun tíma í íþróttahúsinu í haust verði tekið tillit til þarfa Frístundar og tryggt að starfsemin fái rými þar nú þegar aðstaða í íþróttahúsinu stækkar mikið með tilkomu fimleikasalarins.

Samþykkt samhljóða.

Fyrir liggur tillaga að húsnæði fyrir Tónlistarskólann á Egilsstöðum og frístundahúsnæði við Egilsstaðaskóla.

Íþrótta- og tómstundanefnd tekur undir með fræðslunefnd og hvetur nýja sveitarstjórn til að setja þessa framkvæmd inn í langtímaáætlun nýs sveitarfélags og vinna að framgangi þess.

Samþykkt samhljóða með handauppréttingu.

Fyrir liggur til kynningar auglýsing um sumarstörf hjá Fljótsdalshéraði sumarið 2020.

Fyrir liggur umræða um framtíðar skautasvell við Samfélagssmiðjuna.

Málinu er frestað til næsta fundar.

Fyrir liggja til kynningar upplýsingar um félagsmiðstöðvarstarf á meðan á lokun félagsmiðstöðva stendur.

Fyrir liggja upplýsingar frá UMFÍ um Hreyfiviku 2020.

Fyrir liggja upplýsingar frá ÍSÍ vegna Hjólað í vinnuna 2020.

Íþrótta- og tómstundanefnd hvetur stofnanir sveitarfélagsins til að gera þeim sem vilja hjóla í vinnuna það auðveldara, t.d. með því að bæta aðstöðu til að geyma hjól og annan búnað.

Samþykkt samhljóða með handauppréttingu.