Skautasvell

Erindi frá áhugamönnum um gerð skautasvells við Blómabæ.

Umhverfis- og framkvæmdanefnd þakkar áhugamönnum um skautasvell.

Umhverfis- og framkvmdanefnd leggur til við bæjarstjórn að hún heimili landnotkun undir skautasvell að svo stöddu. Tillagan hefur lítil sem enginn áhrif á landnotkun svæðis og er að fullu afturkræf.

Samþykkt samhljóða með handauppréttingu.

Íþrótta- og tómstundanefnd fagnar framtaki þeirra íbúa sem hafa staðið að því að koma í gagnið skautasvelli í miðbæ Egilsstaða. Það er þakkar vert og til fyrirmyndar þegar íbúar taka frumkvæði og standa fyrir samfélagsverkefnum sem nýtast okkur öllum.

Nefndin bendir á að veittir eru styrkir tvisvar á ári þar sem hægt er að leita eftir stuðningi við m.a. slík verkefni.

Samþykkt samhljóða við handauppréttingu.

Fyrir liggur umræða um framtíðar skautasvell við Samfélagssmiðjuna.

Málinu er frestað til næsta fundar.

Fyrir liggur erindi af Betra Fljótsdalshéraði varðandi framtíðar skautasvell, mál nr.202005018, auk fyrri umræðu um skautasvell.

Íþrótta- og tómstundanefnd leggur til að framtíðar skautasvell verði sett niður við Samfélagssmiðjuna, þar sem það hefur verið í vetur, og verði haft samráð við það fólk sem hefur haft frumkvæði að svellinu varðandi stærð, útfærslu og notkun á sumrin, t.d. fyrir hjólabrettaiðkun. Er svæðið auk þess kjörið til þess að þar sé byggt upp þannig að þar sé gert ráð fyrir að fólk á öllum aldri geti safnast þar saman, t.d. með því að setja niður bekki, leiktæki af ýmsu tagi og gera svæðið aðlaðandi.

Samþykkt samhljóða.