Bæjarráð Fljótsdalshéraðs

Guðlaugur Sæbjörnsson fjármálastjóri kynnti nokkrar tölur úr rekstri ársins og fór yfir þróunina það sem af er ári.

Rætt um úthlutun lóða við Klettasel og útfærslu á áður samþykktum afslætti lóða 2016 og greiðslum vegna lóðagjalda. Samþykkt að fela bæjarstjóra og fjármálastjóra að funda með lóðarhafa og gera tillögu að frágangi málsins í samráði við lögfræðing sveitarfélagsins.

Lagðar fram viðmiðunarlaunatöflur sveitarstjórna, sem Samband sveitarfélaga hefur tekið saman. Samþykkt að vísa málinu til gerðar fjárhagsáætlunar 2017.

Kynnt á fundinum beiðni um að fá endurnýjaðan samning um leigu á beitarhólfi í landi Eiða, ofan þjóðvegar. Málið er í vinnslu.

Farið yfir rammann sem verið hefur í vinnslu og fyrstu tillögur að áætlun sem borist hafa frá nefndum sveitarfélagsins. Að því búnu samþykkti bæjarráð tillögu bæjarstjóra og fjármálastjóra um endanlegan ramma fyrir málaflokkana fyrir árið 2017.

Fundargerðin lögð fram.

Fundargerðin lögð fram til kynningar.

Fundargerðin lögð fram til kynningar.

Lagt fram til kynningar.

Lagt fram bréf frá Sýslumanni, varðandi fyrirkomulag við utankjörfundaratkvæðagreiðslu vegna nýafstaðinna forsetakosninga. Þar kemur fram að um 140 manns greiddu atkvæði á Bókasafni Héraðsbúa og yfir 400 á sýsluskrifstofunni á Egilsstöðum. Þakkar sýslumaður fyrir gott samstarf og telur að þetta fyrirkomulag hafi tekist vel.

Lagðir fram minnispunktar frá fundi með Hjörleifi Guttormssyni sem haldinn var 27. júní sl. vegna hugmyndar um fræðasetur á Hjaltastað. Einnig komu fram ýmsar upplýsingar sem Hjörleifur hefur kynnt í þessu sambandi.
Eftir nokkrar umræður um málið og lestur á viðbótargögnum sem borist hafa, telur bæjarráð rétt að vísa málinu til frekari skoðunar hjá atvinnu- og menningarnefnd.
Bæjarráð telur hugmyndirnar áhugaverðar og feli í sér mikil tækifæri á Út-Héraði. Bæjarráð tekur jafnframt undir með Hjörleifi um að málið þurfi góðan undirbúning.

Lagt fram til kynningar á þessu stigi.

Lagður fram tölvupóstur frá Minjastofnun Íslands, dags. 30. júní 2016 þar sem auglýst er eftir styrkjum úr húsafriðunarsjóði til að undirbúa tillögur að verndarsvæði í byggð.

Eftirfarandi tillaga lögð fram:
Bæjarráð samþykkir að fela atvinnu- menningar- og íþróttafulltrúa og skipulags- og byggingarfulltrúa að fara yfir erindið og meta hvort þetta verkefni hentar sveitarfélaginu og undirbúa það fyrir umfjöllun í fagnefnd.

Samþykkt samhljóða með handauppréttingu.