Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór yfir ýmis rekstartengd mál.
Björn Ingimarsson bæjarstjóri sagði frá drögum að samantekt, varðandi lóðamál Landsvirkjunar vegna Kárahnjúkavirkjunar.
Bæjarstjóra falið að ljúka samantektinni í samráði við lögmann sveitarfélagsins.

Á síðasta fundi bæjarstjórnar var fjárhagsáætlun Fljótsdalshéraðs fyrir 2016, ásamt þriggja ára áætlun áranna 2017-2019 samþykkt við fyrri umræðu og vísað til bæjarráðs til undirbúnings fyrir síðari umræðu.
Farið yfir liði sem ræddir voru á síðasta bæjarstjórnarfundi og þeir skýrðir. Fyrir síðari umræðu er enn beðið eftir niðurstöðum þeirra kjarasamninga sem ólokið er og snerta rekstur sveitarfélagsins.
Varðandi álagningarhlutfall útsvars leggur bæjarráð til við bæjarstjórn að það verði óbreytt frá fyrra ári, eða 14.52%.

Lögð fram til kynningar fundargerð 2. fundar, 27. október 2015.

Bæjarráð lýsir stuðningi við þau sjónarmið stjórnar sambandsins að brýnt sé að ræða styrkingu og breikkun tekjustofna sveitarfélaga við fjármála- og efnahagsráðherra.

Fundargerðin að öðru leyti lögð fram til kynningar.

Lögð fram til kynningar fundargerð 22. fundar stjórnar frá 27. október 2015.

Varðandi beiðni verkefnisstjóra um að Fljótsdalshérað tilnefni fulltrúa í rýnihópa til að fara yfir fyrirliggjandi tillögur, samþykkir bæjarráð að tilnefna alla aðalfulltrúa úr umhverfis- og framkvæmdanefnd og atvinnu- og menningarnefnd í viðkomandi vinnuhópa og til að taka þátt í umræddri rýnivinnu.

Lagt fram bréf frá Þráni Lárussyni, dags. 29.10. 2015, varðandi könnunina.

Bæjarráð samþykkir að óska eftir svörum frá Austurbrú varðandi þær spurningar sem fram koma í umræddu erindi.

Málinu vísað frá 317. fundi bæjarráðs, til nánari umfjöllunar.

Bæjarstjóra falið að vinna málið áfram í samræmi við umræður á fundinum.

Lögð fram ályktun Kennarafélags ME, frá 29.10. 2015, sem send var ráðherra menntamála og þingmönnum Austurlands, KÍ, SSA og fjölmiðlum.

Bæjarráð tekur undir með Kennarafélagi ME og lýsir áhyggjum yfir stefnu menntamálayfirvalda varðandi fjöldatakmarkanir nemenda í Menntaskólanum á Egilsstöðum, sem bitna sér í lagi á fjarnámi skólans.

Málinu var vísað til bæjarráðs til skoðunar og endanlegrar afgreiðslu á síðasta fundi bæjarstjórnar.

Bæjarráð samþykkir, að tillögu íþrótta- og tómstundanefndar, að veita bifhjólaklúbbnum Goðum styrk upp á kr. 80 þúsund, verði af fyrirhuguðu landsmótshaldi á Fljótsdalshéraði næsta sumar.
Varðandi beiðni um slátt á tjaldstæði við Stekkhólma, í tengslum við landsmótið, er þeim hluta beiðninnar vísað til umhverfis- og framkvæmdanefndar til skoðunar.

Bæjarstjóri upplýsti um fyrirhugaðan fund með sveitarstjórn Fljótsdalshrepps og bæjarráði, varðandi málefni Brunavarna á Héraði, sem er byggðasamlag um rekstur eigna sveitarfélaganna sem tengjast brunavörnum, sem haldinn verður síðar í vikunni.