Guðlaugur Sæbjörnsson fjármálastjóri fór yfir stöðuna varðandi gerð fjárhagsáætlunar 2019 og hvernig þær áætlanir sem nefndirnar hafa skilað inn stemma við fjárhagsrammann. Gert er ráð fyrir að heildaráætlunin verði lögð fyrir bæjarráð á fyrsta fundi þess í nóvember og fari síðan til fyrri umræðu í bæjarstjórn 7. nóvember.
3.Fundargerð 864. fundar Sambands íslenskra sveitarfélaga
Lögð fram svör starfshópsins varðandi ýmis mál tengd mögulegum rekstri húsnæðisins að Miðvangi 31. Rætt um þátttöku í ráðstefnu sem halda á í Ystad í Svíþjóð 28. og 29. nóvember, varðandi þetta norræna samstarf. Fram kom að tveir af fulltrúum í starfshópnum munu sækja ráðstefnuna, en möguleiki væri á að tveir kjörnir fulltrúar færu líka. Ákvörðun þar um verður tekin á næsta bæjarráðsfundi.
Farið yfir fyrirspurn frá flokki fólksins, varðandi dagvistunarrými í sveitarfélaginu og upplýsingar sem teknar voru saman fyrir bæjarráð af því tilefni. Bæjarráð samþykkir að fela bæjarstjóra að svara fyrirspurninni í samræmi við fyrirliggjandi upplýsingar.
Fyrir fundinum lágu drög að umsögn sem bæjarstjóri hefur tekið saman að ósk bæjarráðs. Bæjarráð samþykkir að fela bæjarstjóra að ganga endanlega frá umsögninni í samræmi við umræður á fundinum og fyrirliggjandi drög að umsögn.
11.Frumvarp til þingsályktunar um dag nýrra kjósenda
Bæjarráð tekur undir að það geti verið gagnlegt að halda slíkan viðburð til að auka áhuga nýrra kjósenda. Bæjarráð telur þó að metnaður alþingis ætti að standa til þess að slíkur viðburður næði til nýrra kjósenda um allt land og þá ekki einvörðungu með notkun fjarfundarbúnaðar. Ef af verður telur bæjarráð eðlilegt að staðið verði fyrir slíkum viðburðum í það minnsta í hverjum landshluta og gert verði ráð fyrir styrkjum til þeirra sem sækja þurfa slíka viðburði um langan veg.
