Umhverfis- og héraðsnefnd Fljótsdalshéraðs

Geymslusvæði fyrir moltu.
Ósk Fljótsdalshéraðs um undanþágu frá starfsleyfi vegna moltugeymslu á Tjarnarlandi.

Umhverfis- og héraðsnefnd felur verkefnastjóra umhverfismála að sækja um undanþágu samhliða svörum við erindi Umhverfis- og auðlindaráðuneytisins sem óskað er eftir í dagskrárlið nr. 13 á fundinum.

Samþykkt með handauppréttingu

Samfélagsdagur 2014
Umræða um Samfélagsdaginn

Umhverfis- og héraðsnefnd leggur til að Samfélagsdagurinn verði 17.maí 2014. Nefndin felur verkefnastjóra umhverfismála að boða opinn fund um Samfélagsdaginn. Nefndin leggur til að fundurinn verði haldinn á vorjafndægrum fimmtudaginn 20. mars 2014.

Samþykkt með handauppréttingu

Endurgreiðsla vegna minkaveiða 2013
Erindi frá Umhverfisstofnun um endurgreiðslu vegna minkaveiða til Fljótsdalshéraðs eftir afgreiðslu fjárlaga hjá Alþingi Íslendinga.

Lagt fram til kynningar

Refaveiði
Lögð fram drög að endurskipulagningu refaveiða.
Sent var bréf til allra samningsbundna refaveiðimanna á Fljótsdalshéraði þar sem óskað var eftir upplýsingum frá þeim varðandi fyrirkomulag veiðanna vegna fyrirhugaðrar endurskoðunar samninga

Málið er í vinnslu

Sorphirða á Fljótsdalshéraði - verkfundur
Lögð fram fundagerð frá 10. verkfundi um sorphirðu á Fljótsdalshéraði

Umhverfis- og héraðsnefnd felur verkefnastjóra umhverfismála að útbúa fréttabréf um árangur sorpflokkunnar og senda til íbúa á Fljótsdalshéraði.
Að öðru leiti lagt fram til kynningar.

Samþykkt með handauppréttingu

Vinnuskóli 2014
Verkefnastjóri umhverfismála kynnir drög að skipulagi vinnuskólans vegna sumarstarfa

Umhverfis- og héraðsnefnd þakkar verkefnastjóra umhverfismála fyrir kynninguna. Nefndin samþykkir óbreyttan vinnutíma frá því í fyrra sumar og leggur til hækkun á launataxta nemenda Vinnuskólans um 2,8%.

Samþykkt með handauppréttingu

Selskógur 2014
Tillögur um verkefnum í Selskógi sumarið 2014

Eyrún vék af fundi kl.19:00

Umhverfis- og héraðsnefnd beinir til skipulags- og mannvirkjanefndar að gæta þess við fyrirhuguð kaup á leiktækjum í Selskóg verði sérstaklega gætt að því að velja leiktæki sem falla vel að umhverfinu.
Nefndin felur verkefnastjóra umhverfismála að kynna sér heilsustíga hjá öðrum sveitarfélögum og koma með tillögu að útfærslu og leggja fyrir næsta reglulega fund nefndarinnar.

Samþykkt með handauppréttingu

Fjallskilagjöld 2013 (v/Loðmundarfjarðar)
Erindi frá Sýslumanninum á Seyðisfirði um innheimtu á fjallskilakostnaði vegna fjallskila í Loðmundarfirði árið 2013

Lagt fram til kynningar

Fundargerð 65.fundar Landbótasjóðs Norður Héraðs
Lögð fram fundargerð 65. fundar Landsbótasjóðs Norður Héraðs ásamt ársreikningi.

Lagt fram til kynningar

Fundargerð 66.fundar Landbótasjóðs Norður Héraðs
Lögð fram fundargerð 66. fundar Landsbótasjóðs Norður Héraðs.

Lagt fram til kynningar

Kárahnjúkavirkjun - Samantekt landslagsarkitekts við verklok


Málinu frestað til næsta fundar

Forvarnarstefna Fljótsdalshéraðs 2013-2018
Lögð fram drög að forvarnarstefnu Fljótsdalshéraðs sem hefur verið í mótun hjá fræðslunefnd. Málið var áður á dagskrá 27.08.2013

Umhverfis- og héraðsnefnd gerir ekki athugasemdir við þau atriði sem snúa að nefndinni en bendir á að skipulags- og mannvirkjanefnd þurfi einnig að fjalla um málið.
Nefndin felur verkefnastjóra umhverfismála að útbúa forvarnar- og viðbragðsáætlun fyrir vinnuskólann og leggja fyrir næsta reglulega fund nefndarinnar.

Samþykkt með handauppréttingu

Tjarnarland, urðunarstaður
Svar Umhverfis- og auðlindaráðuneytisins vegna óskar um framlengingu á undanþágu frá starfsleyfi vegna sorpurðunar að Tjarnarlandi.

Umhverfis- og héraðsnefnd felur verkefnastjóra umhverfismála að svara erindi Umhverfis- og auðlindaráðuneytisins dags. 24.02.2014.

Samþykkt með handauppréttingu