Íþrótta- og tómstundanefnd

Fyrir liggur erindi frá Stefáni Eyjólfssyni varðandi líkamsrækt í sveitarfélaginu og framtíðarsýn.

Íþrótta- og tómstundanefnd felur starfsmanni að boða bréfritara á næsta fund nefndarinnar til að ræða erindið.

Samþykkt samhljóða með handauppréttingu.

Fyrir liggur styrkbeiðni frá bogfimideild Skaust vegna Íslandsmeistaramóts í bogfimi sem fer fram á Fljótsdalshéraði sumarið 2018.

Íþrótta- og tómstundanefnd leggur til að bogfimideildin verði styrkt um kr. 100.000 sem tekið verði af lið 0689.

Samþykkt samhljóða með handauppréttingu.

Fyrir liggur greinargerð starfshóps um búnað til fimleikaiðkunar í Íþróttamiðstöð.

Íþrótta- og tómstundanefnd tekur undir greinargerð starfshópsins og vísar henni til bæjarráðs.

Nefndin leggur áherslu á að eignarhald grunnbúnaðar til fimleikaiðkunar og -keppni verði á höndum sveitarfélagsins. Þá leggur nefndin áherslu á að útistandandi skuld við fimleikadeild verði gerð upp um leið og sveitarfélagið tekur við búnaði deildarinnar.

Samþykkt samhljóða með handauppréttingu.

Íþrótta- og tómstundanefnd fagnar góðri samantekt um Selskóg.

Nefndin leggur áherslu á að svæðið verði nýtt til fjölbreyttrar útivistar og heilsueflingar. Nefndinni hugnast sviðsmynd 1 í greinargerðinni, með áherslu á að efla það svæði sem við höfum til umráða í dag áður en farið er í stækkun á svæðinu.

Íþrótta- og tómstundanefnd felur starfsmanni að koma ábendingum nefndarinnar vegna stefnumörkunar um Selskóg og nágrenni til umhverfis- og framkvæmdanefndar.

Samþykkt samhljóða með handauppréttingu.

Fyrir liggur fundargerð stýrihóps Heilsueflandi samfélags til kynningar.

Opið er fyrir umsagnir til starfshóps á vegum UMFÍ um aðgerðir til að koma í veg fyrir kynferðislega og kynbundna áreitni og ofbeldishegðun.

Lagt fram til kynningar.

Fyrir liggur fundargerð samráðshóps um skíðasvæðið í Stafdal frá 6. apríl 2018 til kynningar.

Fyrir liggur fundargerð vallaráðs 10. apríl 2018 til kynningar.

Íþrótta- og tómstundanefnd felur starfsmanni að koma ábendingum nefndarinnar til starfshópsins.

Samþykkt samhljóða með handauppréttingu.

Fyrir liggur erindi frá skákfélaginu Hróknum, þar sem gert er grein fyrir starfi síðustu ára, greint frá heimsókn Hróksins í öll sveitarfélög árið 2018 og biðlað til sveitarfélaga um stuðning við starfsemi félagsins.

Íþrótta- og tómstundanefnd þakkar erindið og þakkar skákfélaginu Hróknum fyrir frábært starf á síðustu árum.

Nefndin leggur til að Hrókurinn verði styrktur um kr. 25.000 sem tekið verði af lið 0689.

Samþykkt samhljóða með handauppréttingu.