Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór yfir nokkur atriði tengd rekstri og uppgjöri síðasta árs.

Fundargerðin lögð fram til kynningar.

Fundargerð stjórnar Samtaka orkusveitarfélaga frá 20. janúar 2017 lögð fram til kynningar.

Lagðar fram upplýsingar um að umsókn nr. 3 hjá Fljótsdalshéraði fékk samþykkt framlag úr Fjarskiptasjóði árið 2017 upp á tæpar 2,9 milljónir.
Einnig voru kynnt drög að auglýsingum vegna fyrirhugaðra framkvæmda og var bæjarstjóra falið að koma þeim á framfæri.

Lögð fram fyrirspurn frá leigjenda íbúðarhússins á Hóli varðandi eignarhald sveitarfélagsins á jörðinni.
Bæjarstjóra falið að svara erindinu í samræmi við umræður á fundinum.

Lagt fram bréf frá foreldrum barna á Fljótsdalshéraði þar sem bent er á skort á daggæslu- og leikskólaplássum í sveitarfélaginu.
Bæjarráð þakkar framkomið erindi. Málið hefur verið í vinnslu hjá fræðslunefnd og er þar nú til skoðunar, eins og fram kom í bókun bæjarstjórnar á síðasta fundi hennar. Samþykkt að vísa þessu erindi til fræðslunefndar inn í þá vinnu.

Rædd möguleg fjármögnun verkefnisins, en þeirri vinnu var vísað til bæjarráðs á síðasta bæjarstjórnarfundi.
Farið yfir málið og samþykkt að vinna málið frekar og leggja fyrir næsta fund bæjarráðs.

Lagt fram til umsagnar umsókn um tækifæris- og tímabundið áfengisleyfi vegna Góugleði í Brúarási 4. mars nk.

Eftirfarandi tillaga lögð fram:
Bæjarráð veitir jákvæða umsögn um tækifæris- og tímabundið áfengisleyfi vegna Góugleði í Brúarási 4. mars nk. eins og hún liggur fyrir. Bæjarráð staðfestir jafnframt að afgreiðslutími og staðsetning staðar sem umsókn lýtur að, sé innan þeirra marka sem reglur og skipulag sveitarfélagsins segir til um.

Fyrir liggur umsagnarbeiðni vegna umsóknar um rekstarleyfi til sölu gistingar og/eða veitingu veitinga að Fagradalsbraut 9. í flokki II.

Fram kemur að byggingarfulltrúi veitir jákvæða umsögn.

Í samræmi við nýsamþykktar verklagsreglur sveitarfélagsins, er málinu vísað til bæjarstjórnar til afgreiðslu.

Í samræmi við nýsamþykktar verklagsreglur sveitarfélagsins, er málinu vísað til bæjarstjórnar til afgreiðslu, að fenginni endanlegri umsögn byggingarfulltrúa.

Bæjarstjóri kynnti hugmynd að breytingu á 7. grein í samþykktum umhverfis- og framkvæmdanefndar og
9. grein í samþykktum fyrir fræðslunefnd.
Þar er gert ráð fyrir að standi: Nefndin fundi að jafnaði einu sinni til tvisvar í mánuði, í stað þess að nú er gert ráð fyrir tveimur fundum í mánuði.

Bæjarráð samþykkir að tillaga að breyttum samþykktum verði lögð fyrir bæjarstjórn til afgreiðslu.

Úthlutunarathöfnin vegna úthlutunar úr Uppbyggingarsjóði Austurlands verður þann 14. febrúar nk. á Fljótsdalshéraði. Rætt um framkvæmdina og bæjarstjóra falið að undirbúa athöfnina í samráði við menningarfulltrúa.