Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og kynnti eitt og annað sem varðar fjármál og rekstur sveitarfélagsins.

Björn kynnti vinnu varðandi mögulega munageymslu fyrir Minjasafnið, sem verið hefur í gangi undanfarið. Bæjarráð staðfestir fyrri afgreiðslu málsins.

Á fundinn mættu Guðmundur Kröyer form. atvinnu- og menningarnefndar og Adda Birna Hjálmarsdóttir form. íþrótta- og tómstundanefndar ásamt Óðni Gunnari Óðinssyni starfsmanni nefndanna og kynntu endurskoðuð drög að fjárhagsáætlunum nefndanna. Fóru þau yfir áherslur nefndanna og helstu frávik frá römmum og kynntu hagræðingar sem gerðar hafa verið til að ná þeim.

Síðan kom Helga Guðmundsdóttir fræðslufulltrúi og kynnti stöðu fræðslunefndar varðandi fjárhagsáætlunina.

Guðlaugur Sæbjörnsson fjármálastjóri fór síðan yfir heildarmyndina á fjárhagsáætluninni eins og hún birtist þegar hann er búinn að setja saman áætlanir nefndanna.

Fjárhagsáætlun 2015 sett í áframhaldandi vinnslu.

Fundargerðin lögð fram til kynningar.

Fundargerðin lögð fram til kynningar.

Fundargerðin lögð fram til kynningar.

Lagður fram tölvupóstur frá Vali Rafni Halldórssyni, dagsett 23. september 2014, með fundarboði á aðalfund Samtaka orkusveitarfélaga, ásamt ársreikni samtakanna fyrir 2012 og 2013. Fundurinn er boðaður á Hilton R.N. hóteli í Reykjavík 10. október kl. 13:00.

Eftirfarandi tillaga lögð fram:

Bæjarráð samþykkir að Björn Ingimarsson fari með umboð og atkvæði Fljótsdalshéraðs á fundinum og að varamaður verði Gunnar Jónsson.
Bæjarráð tilnefnir jafnframt Stefán Boga Sveinsson sem fulltrúa sinn í stjórn.
Samþykkt samhljóða með handauppréttingu.

Lagt fram fundarboð vegna aðalfundar Gáf ehf. 2014, sem boðaður er á Húsavík 16. október kl. 13:30. Jafnframt lögð fram ýmis fylgigögn vegna aðalfundarins.

Bæjarráð samþykkir að Björn Ingimarsson fari með umboð og atkvæði Fljótsdalshéraðs á fundinum.

Lagt fram erindi frá Charles William M. Ross, dags. 18.09. 2014, vegna ljósanna í mastrinu á Eiðum.

Eftirfarandi tillaga lögð fram.
Bæjarráð ítrekar fyrri bókanir bæjarstjórnar og bæjarráðs Fljótsdalshéraðs um málið og felur bæjarstjóra að koma þeim á framfæri við nýjan útvarpsstjóra hið fyrsta.

Samþykkt samhljóða með handauppréttingu.

Lagt fram erindi frá Rauða kross deild Héraðs og Borgarfjarðar þar sem falast er eftir leigu á einu bili í húsnæðinu að Tjarnarási 9.

Bæjarráð bendir á að húsnæðið er ekki til ráðstöfunar. Bæjarstjóra falið að ræða við bréfritara og kanna fleiri fleti á málinu.

Lagður fram tölvupóstur frá Sigrúnu Helgu Sigurjónsdóttur, ritara á nefndarsviði Alþingis, dags. 25. sept. 2014, þar sem óskað er eftir umsögnum við frumvarp um eflingu heilbrigðisþjónustu, menntakerfis og velferðarþjónustu.

Fljótsdalshérað mun ekki senda sérstaka umsögn vegna málsins.

Lagður fram tölvupóstur frá Jónu Árnýju Þórðardóttur, dags. 26. september 2014, f.h. Sambands sveitarfélaga á Austurlandi, með beiðni um tilnefningu fulltrúa og varafulltrúa í samgöngunefnd SSA:

Bæjarráð samþykkir að tilnefna Önnu Alexandersdóttur sem aðalmann og Pál Sigvaldason sem varamann hennar í samgöngunefndina.

Lögð fram umsögn sem Baldur Pálsson slökkviliðsstjóri vann í samráði við Björn Ingimarsson bæjarstjóra.

Umsögnin hefur þegar verið send til ráðuneytisins.

Lagður fram tölvupóstur frá Sambandi íslenskra sveitarfélaga, f.h. Sveitarstjórnarþings Evrópuráðsins (Congress of Local and Regional Authorities of the Council of Europe) þar sem sveitarfélög og héruð í Evrópu eru hvött til að vekja athygli á mikilvægi staðbundins lýðræðisins með því að tileinka lýðræðinu eina viku og skipuleggja þá sérstakar aðgerðir.

Bæjarráð samþykkir að fresta liðnum til næsta fundar og óskar eftir frekari upplýsingum um kostnað við hugmyndina "Betra Fljótsdalshérað".