Guðlaugur Sæbjörnsson fjármálastjóri sat fundinn undir þessum lið og fór stuttlega yfir ýmis atriði sem tengjast rekstri sveitarfélagsins á líðandi ári. Björn Ingimarsson bæjarstjóri ræddi hluthafafund Gróðrarstöðvarinnar Barra og fór yfir umræður þar og kynnti beiðni um hlutafjáraukningu.
Eftirfarandi tillaga lögð fram: Bæjarráð samþykkir að vísa erindinu til atvinnu- og menningarnefndar til umfjöllunar og að hún taki afstöðu til mögulegrar ráðstöfunar fjármagns úr atvinnumálasjóði til hlutafjáraukningar. Bæjarráð óskar jafnframt eftir því að nefndin afgreiði málið fyrir næsta fund bæjarráðs nk. mánudag. Samþykkt samhljóða með handauppréttingu.
Guðlaugur Sæbjörnsson fjármálastjóri lagði fram samantekin drög að fjárhagsáætlun fyrir árið 2015, en nú hafa nefndir afgreitt sínar áætlanir og vísað þeim til umræðu og frekari vinnslu hjá bæjarráði og bæjarstjórn.
Eftirfarandi tillaga lögð fram.
Bæjarráð samþykkir að leggja til við bæjarstjórn óbreytt álagningarhlutföll útsvars, fasteignaskatts og lóðarleigu fyrir árið 2015. Útsvar verði 14,52% Fasteignaskattur verði 0,5 % á A-lið sem er íbúðarhúsnæði, 1,32 % á B-lið sem er opinbert húsnæði og 1,65% af C-lið, sem er atvinnuhúsnæði. Lóðarleiga verði 0,75% fyrir allar lóðir.
Bæjarráð leggur jafnfram til að afsláttur til tekjulágra elli- og örorkulífeyrisþega verði sem hér segir: Hámarksafsláttur verði 61.000 kr.
Lágmarkstekjur einstaklings verði 2.343.000 og hámark verði 3.075.000
Lágmarkstekjur hjóna verði 3.296.000 og hámarkstekjur verði 4.174.000
Samþykkt samhljóða með handauppréttingu.
Eftirfarandi tillaga lögð fram: Bæjarráð samþykkir að vísa fyrirliggjandi fjárhagsáætlun fyrir árið 2015 ásamt þriggja ára áætlun áranna 2016 - 2018 til fyrri umræðu í bæjarstjórn Fljótsdalshéraðs.
Lögð fram fundargerð 17. fundar stjórnar endurmenntunarsjóðs. Þar kemur fram að óvenju margar umsóknir bárust til sjóðsins á þessu ári og að fjármagn sjóðsins er nú uppurið. Einnig kom fram að endurskipa þarf í stjórn sjóðsins, þar sem núverandi stjórnarmenn hafa ýmist skipt um starfsvettvang, eða eru hættir störfum hjá sveitarfélaginu.
Bæjarráð samþykkir að vísa skipun stjórnar endurmenntunarsjóðs til næsta fundar.
Lagt fram fundarboð vegna aðalfundar Héraðsskjalasafns Austfirðinga, ásamt tillögu að breytingu á stofnsamningi Héraðsskjalasafnsins, skýrslu safnsins og ársreikningi 2013.
Bæjarráð samþykkir að Óðinn Gunnar Óðinsson fari með umboð og atkvæði Fljótsdalshéraðs á fundinum. Þórður Mar Þorsteinsson.
Bæjarráð samþykkir að opna vefinn Betra Fljótsdalshérað til reynslu í 1 ár. Vefurinn verði formlega opnaður á fyrri fundi bæjarstjórnar í desember. Starfsmönnum falið að undirbúa það ferli.
Lagður fram tölvupóstur frá Allsherjar- og menntamálanefnd Alþingis, dags. 23. okt. 2014, með umsagnarbeiðni vegna frumvarps til laga um verslun með áfengi og tóbak o.fl.
Björn Ingimarsson bæjarstjóri ræddi hluthafafund Gróðrarstöðvarinnar Barra og fór yfir umræður þar og kynnti beiðni um hlutafjáraukningu.
Eftirfarandi tillaga lögð fram:
Bæjarráð samþykkir að vísa erindinu til atvinnu- og menningarnefndar til umfjöllunar og að hún taki afstöðu til mögulegrar ráðstöfunar fjármagns úr atvinnumálasjóði til hlutafjáraukningar. Bæjarráð óskar jafnframt eftir því að nefndin afgreiði málið fyrir næsta fund bæjarráðs nk. mánudag.
Samþykkt samhljóða með handauppréttingu.