Bæjarráð Fljótsdalshéraðs

Guðlaugur Sæbjörnsson fjármálastjóri fór yfir og kynnti nokkra liði sem snúa að rekstri og fjármálum sveitarfélagsins.
Björn Ingimarsson bæjarstjóri ræddi fundardaga bæjarráðs nú í júní, þar sem næstu tveir mánudagar eru frídagar. Samþykkt að halda næsta bæjarráðsfund á hefðbundnum tíma föstudaginn 14. júní.

Björn Ingimarsson bæjarstjóri fór yfir þau mál sem rædd voru á fundinum. Að öðru leyti lagt fram til kynningar.

Björn fór yfir samkomulag við Arkitektastofuna OG sem undirritað hefur verið vegna uppbyggingar íþróttamiðstöðvarinnar og hönnun og breytinga innanhúss. Bæjarráð staðfestir fram lagða samninga.
Einnig ræddar hugmyndir að endurbótum innanhúss og fyrirhugaða vinnu við þær útfærslur.

Farið yfir stöðuna og samþykkt að vísa málinu áfram til vinnu við þróun stjórnsýslu vegna mögulegrar sameiningar sveitarfélaga sem nú er til skoðunar.

Samþykkt að óska eftir skype tengingu við fundinn, þar sem hann verður haldinn á fundardegi bæjarstjórnar.
Bæjarráð gerir það að tillögu sinni að skipa formann náttúruverndarnefndar og verkefnisstjóra umhverfismála sem tengiliði sveitarfélagsins í samstarfsvettvangnum.

Farið yfir drög að kynningargrein og auglýsingum vegna opnunar á samfélagssmiðju að Miðvangi 31 og gerðar nokkrar breytingar á auglýsingatexta.
Einnig farið yfir tillögu að viðveruplani starfsmanna og kjörinna fulltrúa.
Starfsmönnum falið að ljúka frágangi auglýsinga og koma þeim á framfæri.

Björn kynnti svar Guðjóns Bragasonar hjá Sambandi ísl. sveitarfélaga, varðandi fyrirspurn um málfrelsi bæjarstóra á fundum bæjarstjórnar og ákvæði í núverandi samþykktum Fljótsdalshéraðs þar um.
Stefnt að því að taka næstu umfjöllun um samþykktirnar á fundi bæjarráðs 24. júní.

Lagt fram til kynningar.

Farið yfir bréf frá Sverri Mar Albertssyni, varðandi fjölmiðlun í fjórðungum og útgáfu Austurgluggans og Austurfréttar.
Bæjarráð þakkar Sverri fyrir erindið og bendir á að sveitarfélagið mun eftir sem áður reyna að nýta auglýsingaþjónustu þessara miðla.

Lagt fram minnisblað vegna Grænbókar um stefnu um málefni sveitarfélaga og aukalandsþings Sambandsins, sem halda á 6. september.
Bæjarráð beinir því til stjórnar Sambands ísl. sveitarfélaga að hefja þingið kl. 10.30, í stað kl. 10:00, þannig að þingfulltrúar af Austurlandi hafi tækifæri til að fljúga samdægurs á þingið.
Bæjarráð samþykkir að fulltrúar bæjarráðs og áheyrnarfulltrúi, auk bæjarstjóra sæki aukalandsþingið.