Bæjarráð Fljótsdalshéraðs

Guðlaugur Sæbjörnsson fjármálastjóri fór yfir staðgreiðsluskil ársins og sömu leiðis fór Björn Ingimarsson yfir nokkra fundi sem hann átti á undanförnum dögum í Reykjavík. Einnig bætti Stefán Bogi við upplýsingum, en hann sat ásamt Birni fund með starfsmönnum dómsmálaráðuneytisins, þar sem m.a. var rædd fjármögnun og rekstur sýslumannsembætta.

Málið rætt, en það er áfram í vinnslu.

Lögð fram tillaga að viðauka 1 við fjárhagsáætlun 2018, varaðandi yfirfærslu á fastafjármunum Fasteignafélags Iðavalla ehf, sem er B-hlutafyrirtæki, yfir í Eignasjóð (A-hluta)
Samþykkt að yfirfærsluverð verði í samræmi við fasteignamat á viðkomandi eign sem er reiðhöllin. Um er að ræða ríflega 35 milljóna kr. verðmæti
Í samþykktri fjárhagsáætlun var gert ráð fyrir að yfirfærsluverð væri 15 milljón krónum lægra. Fjárfestingaheimild Eignasjóðs hækkar sem þessu nemur.
Bæjarráð samþykkir framangreindan viðauka fyrir sitt leyti.

Lagt fram fundarboð aðalfundar Ársala . Bæjarráð samþykkir að fela Birni Ingimarssyni umboð til að fara með atkvæði svetiarfélagsins á aðalfundinum.

Einnig fór Björn yfir málefni síðasta stjórnarfundar, en hún lögð fram að öðru leyti.

Bæjarráð gerir þá tillögu til aðalfundar HEF að skipan fulltrúa í stjórn fyrirtækisins verði óbreytt.

Bæjarráð samþykkir að selja Rafey ehf Ford Transit ferðaþjónustubíl fatlaðra, á kr. 900.000. Bílinn hygsst Rafey svo gera upp og afhenda síðan Knattspyrnudeild Hattar til eignar.

Rætt um spjaldtölvuvæðingu grunnskólanna, hvernig að því skuli staðið og hversu hratt ætti að vinna verkefnið. Helga Guðmundsdóttir fræðslustjóri kom á fundinn undir þessum lið og fór yfir undirbúning verkefnisins og umræðu meðal kennara og fræðslunefndar um það.
Málið er áfram í vinnslu.

Lögð fram fundargerð ungmennaráðs með bæjarstjórn og áhersluatriði og verefni sem þar voru rædd.
Bæjarráð felur bæjarstjóra að taka málin upp við viðkomandi starfsmenn og fagnefndir.

Lagt fram til kynningar.

Í erindi frá Sambandi ísl. sveitarfélaga kemur fram að Sambandið óskar eftir tilnefningu varamanns frá Fljótsdalshéraði í nefnd sem fjalla á um stofnun Miðhálendisþjóðgarðs.
Bæjarráð samþykkir að tilnefna Sigrúnu Blöndal sem varafulltrúa í umrædda nefnd.