Skipulags- og mannvirkjanefnd Fljótsdalshéraðs

Staða mála vegna athugasemda um lausagöngu katta.

Eftirfarandi tillaga lögð fram:

Skipulags- og mannvirkjanefnd samþykkir að gert verði átak í því að fækka villiköttum í þéttbýlinu. Nefndin felur starfsmönnum að láta birta auglýsingu þar um.

Samþykkt samhljóða með handauppréttingu.

Erindi dagsett 10.mars 2014 þar sem Hilmar Gunnlaugsson fyrir hönd félags í stofnun,óskar eftir því að gerð verði breyting á Aðalskipulagi Fljótsdalshéraðs 2008-2028 þannig að svæðið sem afmarkast af rauðu línunni á meðfylgjandi uppdrætti verði í Aðalskipulaginu skilgreint þannig, að það rúmi ylströnd, ferðamannaþjónustu og tengda starfsemi.

Eftirfarandi tillaga lögð fram:

Skipulags- og mannvirkjanefnd samþykkir að fela skipulags- og byggingarfulltrúa að setja í gang vinnu við breytingu á Aðalskipulagi Fljótsdalshéraðs 2008-2028 vegna ylstrandar við Urriðavatn.

Samþykkt samhljóða með handauppréttingu.

Erindi á Bæjarstjórnarbekknum 14.12.2013, þar sem Helgi Rúnar Elísson kt. 260956-2729 óskar eftir lítilli lóð til geymslu á búnaði vegna verktakastarfsemi. Ekki hugsuð til byggingar strax. Málið var áður á dagskrá 22.01.2014. Fyrir liggur tillaga að skiptingu lóðarinnar Miðás 39.

Eftirfarandi tillaga lögð fram:

Skipulags- og mannvirkjanefnd samþykkir að fela skipulags- og byggingarfulltrúa að útfær hugmynd um skiptingu lóðarinnar nr. 22 og leggja fyrir næsta reglulega fund nefndarinnar.

Samþykkt samhljóða með handauppréttingu.

Erindi í tölvupósti dags.7.2.2014. þar sem Sýslumaðurinn á Seyðisfirði kt.490169-5479, Með vísan til fyrsta töluliðs 4. mgr. 10. gr. laga nr. 85/2007, um veitingastaði, gististaði og skemmtanahald, óskar eftir umsögn bæjarstjórnar um nýtt leyfi til sölu gistingar í fl.I. Umsækjandi og forsvarsmaður er Sigrún Birna Kristjánsdóttir kt.120854-6159. Starfsstöð er Skógarsel 18, Egilsstöðum. Málið var áður á dagskrá 26.2.2014.

Með vísan í bókun bæjarstjórnar 5.2.2014 og 5.3.2014 þá er eftirfarandi tillaga lögð fram:

Skipulags- og mannvirkjanefnd samþykkir að ekki verði gerð breyting á deiliskipulagi Selbrekkuhverfisins í þá veru að fella út grein 3.12 í skilmálunum, þar sem atvinnustarfsemi er óheimil.

Samþykkir eru tveir (HJ og SHR) einn á móti (ÁK) og tveir sitja hjá (ÞH og JG).

Að teknu tilliti til niðurstöðu ofangreindrar afgreiðslu þá getur nefndin ekki gefið jákvæða umsögn.

Erindi í tölvupósti dagsett 27.2.2014 þar sem Ívar Ingimarsson f.h. Óseyrar Ferðaþjónustu kt.430912-0540, sækir um leyfi til að breyta bílskúr að Tjarnarbraut 7 í íbúðarherbergi. Fyrir liggur grunnteikning af bílskúrnum og húsinu.

Eftirfarandi tillaga lögð fram:

Skipulags- og mannvirkjanefnd samþykkir að heimila skipulags- og byggingarfulltrúa að gefa út byggingarleyi þegar tilskylin gögn liggja fyrir.
Nefndin bendir á að séð verði fyrir nægum fjölda bílastæða innan lóðar.

Samþykkt samhljóða með handauppréttingu.

Erindi dagsett 5.3.2014 þar sem Sigbjörn Sigurðsson kt. 201031-2659 sækir um stofnun fasteignar í fasteignaskrá skv.14.gr.laga nr.6/2001 um skráningu og mat fasteigna, samkvæmt meðfylgjandi lóðarblaði.

Eftirfarandi tillaga lögð fram:

Skipulags- og mannvirkjanefnd samþykkir erindi umsækjanda og felur skipulags- og byggingarfulltrúa að stofna lóðina í Þjóðskrá.

Samþykkt samhljóða með handauppréttingu.

Erindi dags. 18.12.2013 þar sem Björn Sveinsson kt.160265-4189, sækir um byggingarleyfi fyrir veitingaskála á lóð nr. 13 í Möðrudal.

Eftirfarandi tillaga lögð fram:

Skipulags- og mannvirkjanefnd samþykkir að heimila skipulags- og byggingarfulltrúa að gefa út byggingarleyfi þegar tilskylin gögn liggja fyrir.

Nefndin krefst þess að tillaga að deiliskipulagi fyrir Möðrudal verði lögð fyrir nefndina.

Samþykkt samhljóða með handauppréttingu.

Fyrir liggur starfsleyfi fyrir vatnsveituna á Arnhólsstöðum.

Lagt fram til kynningar.

Lögð er fram fundargerð 128. fundar byggingarfulltrúa 6.3.2014, fundargerðin er í 4 liðum.

Skipulags- og mannvirkjanefnd staðfestir fundargerðina

Lögð fram drög að forvarnarstefnu Fljótsdalshéraðs 2013-2018 sem hefur verið í mótun hjá fræðslunefnd.

Eftirfarandi tillaga lögð fram:

Skipulags- og mannvirkjanefnd gerir ekki athugasemd vð fyrirliggjandi drög að forvarnarstefnu Fljótsdalshéraðs 2014-2018, sem hefur verið í mótun hjá fræðslunefnd.

Samþykkt samhljóða með handauppréttingu.

Lögð er fram frávikagreining fyrir árið 2013, þar sem gera skal grein fyrir frávikum ef einhver eru.

Eftirfarandi tillaga lögð fram:

Málið kynnt, að öðru leiti lagt fram til kynningar.

Samþykkt samhljóða með handauppréttingu.

Til umræðu er fjarvarmaveitan á Eiðum.

Eftirfarandi tillaga lögð fram:

Skipulags- og mannvirkjanefnd leggur til við bæjarstjórn að rekstri fjarvarmaveitunar, fyrir Eiðavelli og Vallnaholt á Eiðum verði hætt um áramótin 2015/2016.
Ástæða þessarar tillögu er óhagstæður rekstur veitunnar og fyrirsjáanleg viðhaldsþörf.

Samþykkt samhljóða með handauppréttingu.

Til umræðu er starfsáætlun 2014.

Eftirfarandi tillaga lögð fram:

Vegna umræðu um málið á 192. fundi bæjarstjórnar þá bendir nefndin á að framkvæmdir við bundið slitlag á suðurhluta Miðássins er á áætlun 2015. Nefndin bendir á að áætluð innkoma vegna ógreiddra gatnagerðargjalda er u.þ.b 1/3 af áætluðum kostnaði við slitlagið.

Samþykkt samhljóða með handauppréttingu.