Fjárhagsáætlun íþrótta- og tómstundanefndar fyrir 2019

Fyrir liggja drög að fjárhagsáætlun íþrótta- og tómstundanefndar fyrir árið 2019.

Íþrótta- og tómstundanefnd vísar drögum að fjárhagsáætlun fyrir 2019 til bæjarráðs.

Samþykkt samhljóða með handauppréttingu.

Fyrir liggur rammaáætlun fyrir málaflokka íþrótta- og tómstundanefndar sem samþykkt var í bæjarstjórn 16. maí 2018.

Íþrótta- og tómstundanefnd harmar niðurstöðu bæjarráðs um niðurskurð fjárhagsáætlunar, þar sem gert var ráð fyrir bráðnauðsynlegum verkefnum.
Nefndin leggur áherslu á eftirfarandi málefni og hvetur næstu nefnd til að huga að þeim:
- Forvarnamál. Að ítreka nauðsyn þess að öll svið vinni saman að forvarnamálum, t.d. með hópastarfi í Nýung og Vegahúsi og aukinni samvinnu við skóla á svæðinu.
- Samningar við íþrótta- og tómstundafélög. Að hægt verði að endurskoða og endurhugsa samninga og styrk sveitarfélagsins við íþrótta- og tómstundafélög á svæðinu, m.a. með tilliti til viðbragðsáætlana gegn hvers kyns ofbeldi, forvarnagildis skipulagðra íþrótta- og tómstunda og aðgengis fyrir alla.
- Selskógur. Að hægt verði að klára kaup og uppsetningu útiæfingatækja í Selskógi líkt og hefur verið lengi í bígerð.

Samþykkt samhljóða með handauppréttingu.

Fyrir liggur fjárhagsáætlun íþrótta- og tómstundanefndar fyrir árið 2019, sem og áætlanir þeirra stofnana sem undir nefndina heyra. Rammi gefinn út af bæjarráði í maí.

Farið yfir helstu atriði áætlunarinnar. Að öðru leyti lagt fram til kynningar.

Umræða um fjárhagsáætlun íþrótta- og tómstundanefndar fyrir 2019.

Gert verði ráð fyrir að á næsta fundi nefndarinnar mæti á fundinn forstöðumenn stofnana sem undir nefndina heyra.

Samþykkt samhljóða með handauppréttingu.

Fyrir liggja ýmis gögn er varða fjárhagsáætlun íþrótta- og tómstundanefndar fyrir árið 2019.

Á fundinn undir þessum lið mættu Hreinn Halldórsson, forstöðumaður íþróttavalla og Árni Pálsson, forstöðumaður félagsmiðstöðva.

Fyrirhugað er að klára vinnu við fjárhagsáætlun nefndarinnar á næsta fundi hennar.

Fyrir liggja drög að fjárhagsáætlun íþrótta- og tómstundanefndar fyrir 2019. Jafnframt liggja fyrir áætlanir frá forstöðumönnum þeirra stofnana sem undir nefndina heyra.

Íþrótta- og tómstundanefnd samþykkir fyrir sitt leyti fyrirliggjandi drög að fjárhagsáætlun nefndarinnar fyrir árið 2019.

Þá liggur fyrir hækkun gjaldskrár Íþróttamiðstöðvarinnar á Egilsstöðum. Lagt er til að lögð verði niður svokölluð hjónakort og er starfsmanni falið að útfæra gjaldskrána nánar í samráði við forstöðumann Íþróttamiðstöðvar og leggja fyrir næsta nefndarfund. Nefndin leggur jafnframt til að opnunartími Íþróttamiðstöðvarinnar á Egilsstöðum verður lengdur um klukkustund laugardaga og sunnudaga frá og með áramótum. Auknum kostnaði verði mætt með gjaldskrárhækkun og væntanlegum auknum tekjum miðstöðvarinnar.

Samþykkt samhljóða með handauppréttingu.

Fyrir liggur fjárhagsáætlun íþrótta- og tómstundanefndar þeim breytingum sem gerðar hafa verið.

Leggur íþrótta- og tómstundanefnd fram nýja gjaldskrá Íþróttamiðstöðvar sem taka skal gildi um áramót. Leggur nefndin jafnframt til að hjónakort verði lögð niður, enda mismuna þau einstaklingum eftir fjölskyldustöðu. Nefndin leggur áherslu á að í sveitarfélaginu geti allir fundið heilbrigða hreyfingu við sitt hæfi.

Samþykkt samhljóða með handauppréttingu.