Íþrótta- og tómstundanefnd

Bæjarráð óskar eftir tillögum og málum til umfjöllunar á aðalfundi SSA sem verður haldinn 29. til 30. september næstkomandi.
Íþrótta- og tómstundanefnd óskar eftir því að málefni Heilsueflandi samfélaga verði rædd og leggur til víðtæka samvinnu sveitarfélaga á Austurlandi um þá stefnu.
Einnig að SSA ræði ferðakostnað vegna keppnisferða íþróttafélaga á Austurlandi.

Samþykkt samhljóða með handauppréttingu.

Fyrir liggur bréf frá Körfuknattleiksdeild Hattar vegna útikörfuboltavallar á Egilsstöðum ásamt hugmynd að útfærslu og kostnaðaráætlun.
Erindi Körfuknattleiksdeildar hefur verið vísað af bæjarráði til umhverfis- og framkvæmdanefndar til skoðunar. Íþrótta- og tómstundanefnd fagnar jákvæðum viðbrögðum bæjarráðs við erindinu og leggur áherslu á mikilvægi þess að gera skipulagðri íþróttastarfsemi hátt undir höfði. Þá telur nefndin staðsetningu vallarins skv. erindinu, á svæði milli skóla og íþróttamiðstöðvar, kjörna til þess að efla reitinn sem miðstöð fjölbreyttrar íþróttaiðkunar á Egilsstöðum.

Samþykkt samhljóða með handauppréttingu.

Fyrir liggur umsókn um styrk vegna Urriðavatnssunds 2017.
Íþrótta- og tómstundanefnd leggur til að verkefnið verði styrkt um kr. 100.000 sem tekið verði að lið 0689.

Samþykkt samhljóða með handauppréttingu.

Til umfjöllunar er fjárhagsáætlun íþrótta- og tómstundanefndar fyrir árið 2018. Jafnframt liggja fyrir áætlanir forstöðumanna stofnana sem undir nefndina heyra.
Fjárhagsáætlunin er í vinnslu og tekið fyrir á næsta fundi nefndarinnar. Jafnframt verða forstöðumenn stofnana boðaðir á fund.

Íþrótta- og tómstundanefnd leggur til að gengið verði til samnings við CrossFit Austur um samstarf á milli líkamsræktarstöðvarinnar og Héraðsþreks.
Starfsmanni falið að klára málið í samráði við forsvarsaðila Íþróttamiðstöðvarinnar á Egilsstöðum og CrossFit Austur.

Samþykkt samhljóða með handauppréttingu.

Fyrir liggur beiðni um styrk vegna æskulýðsstarfsemi Freyfaxa ásamt starfsskýrslu æskulýðsnefndar fyrir 2016.
Íþrótta- og tómstundanefnd leggur til að Freyfaxi verði styrkur um kr. 150.000 vegna æskulýðsstarfsemi sem tekið verði af lið 0689.

Samþykkt samhljóða með handauppréttingu.

Lagt er fram til kynningar breyting á deiliskipulagi Tjarnarbrautarreitar vegna viðbyggingar við Íþróttamiðstöð.
Íþrótta- og æskulýðsnefnd fagnar uppbyggingu íþróttamannvirkja á svæðinu en beinir því til umhverfis- og framkvæmdanefndar að huga vel að aðgengi fatlaðra, sem og stígum fyrir gangandi og hjólandi vegfarendur að íþróttamannvirkjunum.

Samþykkt samhljóða með handauppréttingu.

Til kynningar.