Íþrótta- og tómstundanefnd

Fyrir liggur tölvupóstur frá Fimleikasambandi Íslands þar sem óskað er eftir styrk vegna Fimleikahringsins sem Fimleikar fyrir stráka fóru í sumar.

Íþrótta- og tómstundanefnd þakkar umsóknina og verður hún tekin fyrir ásamt öðrum við næstu styrkúthlutun nefndarinnar í október.

Samþykkt samhljóða með nafnakalli.

Fyrir liggur tölvupóstur frá Jóhanni Karli Briem þar sem lagt er til að frisbígolfaðstaða á Fljótsdalshéraði verði bætt.

Íþrótta- og tómstundanefnd leggur til að sá möguleiki verði skoðaður að völlur sem gerður var fyrir Unglingalandsmót 2017 verði settur upp í Selskógi ótímabundið.

Samþykkt samhljóða með nafnakalli.

Fyrir liggur erindi sem barst á Betra Fljótsdalshéraði og snýr að hugmynd um hjólabraut á skólalóð.

Íþrótta- og tómstundanefnd fagnar erindinu og vísar hugmyndinni að hjólabraut til þeirrar staðsetningar sem áður hefur verið bókað um, s.s. við Samfélagssmiðju.

Samþykkt samhljóða með nafnakalli.

Íþrótta- og tómstundanefnd leggur til samþykktar fyrirliggjandi drög að nýjum reglum um hreyfi- og heilsueflingarstyrk fyrir starfsfólk Fljótsdalshéraðs.

Samþykkt samhljóða með nafnakalli.

Fyrir liggur erindi af Betra Fljótsdalshéraði sem snýr að gervigrasvelli í Selbrekku.

Íþrótta- og tómstundanefnd þakkar fyrir erindið og leggur til að umhverfis- og framkvæmdanefnd taki málið upp.

Samþykkt samhljóða með nafnakalli.

Starfsáætlun nefndarinnar til yfirferðar og umfjöllunar.

Íþrótta- og tómstundanefnd leggur til að ekki verði breyting á gjaldskrá Íþróttamiðstöðvarinnar á Egilsstöðum fyrir árið 2021 að öðru leyti en því að við bætist gjald fyrir leigu á nýjum sal skv. fyrirliggjandi gjaldskrá.

Samþykkt samhljóða með nafnakalli.

Í vinnslu.