Bæjarstjórn Fljótsdalshéraðs

Málsnúmer 1706001F

• 1.1 201701003 Fjármál 2017
  Bókun fundar Fram kom að um síðustu mánaðarmót var íbúafjöldi sveitarfélagins kominn í 3.505. Bæjarstjórn tekur undir með bæjarráði og fagnar því að íbúum skuli áfram fjölga í sveitarfélaginu.
  
  Samþykkt samhljóða með handauppréttingu.
• 1.2 201702139 Fjárhagsáætlun 2018
  Bókun fundar Í vinnslu.
• 1.3 201706002 Fundargerð 850. stjórnarfundar Sambands íslenskra sveitarfélaga
  Bókun fundar Fundargerðin lögð fram til kynningar.
• 1.4 201701027 Fundargerðir stjórnar Sambands sveitarfélaga á Austurlandi 2017
  Bókun fundar Fundargerðin lögð fram til kynningar.
• 1.5 201702058 Fundargerðir Ársala b.s. 2017
  Bókun fundar Fundargerðin lögð fram til kynningar.
• 1.6 201610046 Viljayfirlýsing vegna samstarfs um undirbúning og fjármögnun menningarhúss
  Bókun fundar Eftirfarandi tillaga lögð fram:
  Bæjarstjórn tekur undir með bæjarráð og fagnar því að bæjarráð Seyðisfjarðar hafi sýnt mikilvægi hugmynda varðandi byggingu menningarhúss á Egilsstöðum skilning og stuðning. Bæjarstjóra jafnframt falið að vinna áfram að framgangi málsins, í samræmi við viljayfirlýsingu Mennta- og menningarmálaráðuneytisins og Fljótadalshéraðs dagsetta 16. október 2016 og samþykkt ríkisstjórnar Íslands frá 1999 um byggingu menningarhúsa utan höfuðborgarsvæðisins.
  
  Samþykkt samhljóða með handauppréttingu.
• 1.7 201608064 Rannsóknarleyfi á vatnasviði Geitdalsár
  Bókun fundar Í vinnslu.
• 1.8 201706030 Rafmagnstruflanir og áhrif þeirra
  Bókun fundar Eftirfarandi tillaga lögð fram:
  Bæjarstjórn tekur undir með bæjarráði og samþykkir að kallað verði eftir upplýsingum frá Landsneti og Rarik um það tjón innan sveitarfélagsins sem varð við rafmagnstruflanir sem urðu 17. maí sl. Bæjarstjóra falið að láta kalla eftir þessum upplýsingum og einnig hvað veldur því að þetta tjón kemur fyrst og fremst fram á Austur og Suðausturlandi, þegar ástæða rafmagnstruflunarinnar er á Suðvesturlandi.
  
  Samþykkt samhljóða með handauppréttingu.
• 1.9 201611009 Næstu verkefni og áherslur ungmennaráðs
  Bókun fundar Eftirfarandi tillaga lögð fram:
  Að tillögu bæjarráðs samþykkir bæjarstjórn að setja í vinnslu endurskoðun á samþykktum ungmennaráðs og jafnframt að farið verði yfir athugasemdir sem fram koma í bókun ráðsins frá fundin þessa 31. maí sl. Verkefnastjóra íþrótta- tómstunda- og forvarnamála falið að vinna málið í samráði við bæjarstjóra.
  
  Samþykkt samhljóða með handauppréttingu.
• 1.10 201706038 Umsókn um að halda torfærukeppni í Mýnesgrúsum 8. júlí 2017
  Bókun fundar Í bæjarráði var lagt fram erindi dagsett 7. júní 2017 frá Kristdóri Þór Gunnarssyni fh. akstursíþróttaklúbbsins Start á Egilsstöðum, með beiðni um að fá að halda torfærukeppni í Mýnesgrúsum í landi Mýness, laugardaginn 8. júlí 2017 frá kl. 9:00 til c.a. kl. 18:00. Start mun sjá um umgengni og þrif á svæðinu og að það verði til fyrirmyndar.
  
  Eftirfarandi tillaga lögð fram:
  Að tillögu bæjarráðs veitir bæjarstjórn samþykki Fljótsdalshéraðs fyrir torfærukeppninni með fyrirvara um jákvæða umsögn Brunavarna Austurlands, HAUST og lögreglu umdæmisins.
  
  Samþykkt samhljóða með handauppréttingu.

Málsnúmer 1706010F

• 2.1 201701003 Fjármál 2017
  Bókun fundar Lagt fram til kynningar.
• 2.2 201702139 Fjárhagsáætlun 2018
  Bókun fundar Fyrir lá tillaga bæjarstjóra og fjármálastjóra um ramma að fjárhagsáætlun fyrir árið 2018.
  
  Eftirfarandi tillaga lögð fram:
  Bæjarstjórn tekur undir með bæjarráði og samþykkir fyrirliggjandi tillögu um endanlegan fjárhagsramma málaflokkanna fyrir árið 2018.
  
  Samþykkt samhljóða með handauppréttingu.
• 2.3 201706052 Fundargerð 226. fundar stjórnar Hitaveitu Egilsstaða og Fella
  Bókun fundar Lagt fram til kynningar
• 2.4 201706068 Aðalfundur Brunavarna á Austurlandi 2017
  Bókun fundar Fyrir lá fundargerð aðalfundar Brunavarna á Austurlandi sem haldinn var þriðjudaginn 13. júní sl..
  
  Eftirfarandi tillaga lögð fram:
  Með vísan til umfjöllunar aðalfundar Brunavarna á Austurlandi um samstarf við Eldvarnarbandalagið samþykkir bæjarstjórn að Fljótsdalshérað innleiði „Eigið eldvarnareftirlit“ innan stofnana sveitarfélagsins í samstarfi við Eldvarnarbandalagið. Bæjarstjóra verði falið að ganga frásamningum þar um.
  
  Samþykkt samhljóða með handauppréttingu.
  
  Fundargerð að öðru leyti lögð fram til kynningar.
  
• 2.5 201701153 Fasteignafélag Iðavalla 2017
  Bókun fundar Afgreiðsla bæjarráðs staðfest.
• 2.6 201706075 Fundur í samráðsnefnd um skíðasvæðið í Stafdal 14.júní 2017
  Bókun fundar Lagt fram til kynningar.
• 2.7 201706076 Sameiginleg húsnæðisáætlun fyrir Austurland
  Bókun fundar Lagt fram til kynningar.
• 2.8 201706053 Landsmót Æskulýðssambands Þjóðkirkjunnar 2018
  Bókun fundar Lagt fram erindi frá stjórn ÆSKÞ þar sem óskað er eftir vilyrði frá bæjarstjórn Fljótsdalshéraðs fyrir því að landsmót ÆSKÞ fái að fara fram á Egilsstöðum dagana 19. ? 21. október 2018. Jafnframt er óskað eftir styrk í formi aðstöðu svo mótið geti orðið að veruleika (þ.e. gistirými og íþróttahús undir dagskrá).
  
  Eftirfarandi tillaga lögð fram:
  Bæjarstjórn tekur jákvætt í erindið og felur bæjarstjóra ganga frá samkomulagi um málið við fulltrúa ÆSKÞ í samráði við skólastjóra Egilsstaðaskóla og forstöðumann íþróttamiðstöðvar.
  
  Samþykkt samhljóða með handauppréttingu.
• 2.9 201705045 Aðalfundur SSA 2017
  Bókun fundar Í vinnslu.
• 2.10 201706081 Tillaga til þingsályktunar um mótun eigendastefnu ríkisins fyrir bújarðir
  Bókun fundar Lagt fram þingskjal 547 / 414. mál um mótun eigendastefnu ríkisins fyrir bújarðir.
  
  Eftirfarandi tillaga lögð fram:
  
  Með vísan til fyrri bókana bæjarstjórnar varðandi málefni ríkisjarða (15. júní 2016 og 19. apríl 2017) tekur bæjarráð undir þær áherslur er fram koma í framlagðri þingsályktunartillögu um mótun eigendastefnu ríkisins fyrir bújarðir.
  
  Samþykkt samhljóða með handauppréttingu.

Málsnúmer 1706006F

• 3.1 201705076 Iðnaðarlóðir við Miðás 22 og 24
  Bókun fundar Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn að veittur verði afsláttur með vísan til heimildar í 6. gr. samþykktar um gatnagerðargjald, byggingarleyfisgjald og þjónustugjöld byggingarfulltrúa á Fljótsdalshéraði. Nefndin leggur til að af lóðunum Miðás 22 og 24 verði veittur 50% afsláttur af gatnagerðargjaldi og samþykkir bæjarstjórn það. Reynist meðal jarðvegsdýpt af lóð nr. 22 meiri en 5 metrar mun nefndin endurskoða afsláttinn.
  
  Samþykkt samhljóða með handauppréttingu.
• 3.2 201609049 Aðkoma og græn svæði á Egilsstöðum og Fellabæ
  Bókun fundar Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn að unnið verði eftir framlagðri verkáætlun um Tjarnargarðinn, að tjörninni undanskilinni nú í sumar.
  
  Samþykkt samhljóða með handauppréttingu.
• 3.3 201705161 Fundargerð starfshóps um stefnu og hlutverk opinna svæði með áherslu á Tjarnargarðinn og Skjólgarðinn, frá 11. maí 2017
  Bókun fundar Afgreiðsla umhverfis- og framkvæmdanefndar staðfest.
• 3.4 201705044 Stefna um tjaldsvæðið á Egilsstöðum
  Bókun fundar Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn fyrirliggjandi tillögu.
  
  Samþykkt samhljóða með handauppréttingu.
• 3.5 201705196 135 fundargerð Heilbrigðisnefndar Austurlands.
  Bókun fundar Lagt fram til kynningar.
• 3.6 201703049 Samningur um þátttöku í skógrækt/Davíðsstaðir
  Bókun fundar Afgreiðslu frestað.
• 3.7 201706015 Bílastæði og umferðarmál við Miðvang 6
  Bókun fundar Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn að gera breytingu á Auglýsingu um umferð á Fljótsdalshéraði þannig að akstursstefna á bílastæði vestan við Miðvang 6, verði frá norðri til suðurs og jafnframt verði bannað að leggja ökutækjum í Fjóluvangi. Starfmanni falið að senda breytinguna til Lögreglustjórans á Austurlandi til umsagnar og birtingar. Starfsmanni falið að setja upp viðeigandi merkingar eftir að breytingin hefur öðlast gildi. Bæjarstjórn gefur leyfi fyrir uppsetningu skilta skv. 7. lið og verði það gert í samráði við forstöðumann þjónustumiðstöðvar. Jafnframt samþykkt að fela yfirmanni eignasjóðs að ganga frá samningi um aðkomu sveitarfélagsins og annarra eigenda á jarðhæð Miðvangs 6, að rekstri bílaplansins og umhirðu við það. Starfsmanni falið að ganga frá uppgjöri vegna stofnkostnaðar við bílastæðin skv. samkomulagi þar um.
  
  Samþykkt samhljóða með handauppréttingu.
• 3.8 201706027 Beiðni um lokun göngustíga í Selskógi vegna keppni í Fjallahjólreiðum á Sumarhátíð UÍA
  Bókun fundar Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn erindið.
  
  Samþykkt samhljóða með handauppréttingu.
• 3.9 201508079 Bjarkasel 16 færsla á bílskúr
  Bókun fundar Í vinnslu.
• 3.10 201706029 Beiðni um leyfi til að setja upp skilti við Ysta Rjúkanda á Jökuldal
  Bókun fundar Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn erindið.
  
  Samþykkt samhljóða með handauppréttingu.
• 3.11 201706031 Uppbygging vindorku innan Fljótsdalshéraðs
  Bókun fundar Eftirfarandi tillaga lögð fram:
  Bæjarstjórn bendir á að umhverfis- og framkvæmdanefnd getur ekki gefið út stöðuleyfi fyrir mannvirkið, en óskar eftir umsókn um bygginga- eða framkvæmdaleyfi fyrir mælamastrinu í landi sveitarfélagsins við Hól.
  Bæjarstjórn tekur undir með nefndinni og tekur jákvætt í óskir um breytingar á skipulagsáætlunum og gerð nýrra. Bæjarstjórn fer þess á leit við Orkusöluna að halda opinn kynningarfund í Hjaltalundi þar sem áætlanir fyrirtækisins um verkefnið verði kynntar.
  
  Samþykkt með 8 atkv. en 1 var á móti (ÞMÞ)
  
  Þórður Mar Þorsteinsson lagði fram eftirfarandi bókun:
  Bæjarfulltrúi Á-lista, Þórður Mar Þorsteinsson er mótfallinn tillögu bæjarstjórnar vegna umsóknar Orkusölunnar um að reisa vindorkuver á miðju Úthéraði. Ég tel að slíkt mannvirki falli ekki að náttúrufari eða hins sérstaka landslags svæðisins. Ég tel neikvæð sjónræn áhrif vera of mikil.
• 3.12 201706032 Ástand friðlýstra svæða 2016
  Bókun fundar Lagt fram til kynningar.
• 3.13 201703038 Tjarnarbrautarreitur - breyting á deiliskipulagi, íþróttahús
  Bókun fundar Í vinnslu.
• 3.14 201706044 Umsókn um stöðuleyfi fyrir gám
  Bókun fundar Afgreiðsla umhverfis- og framkvæmdanefndar staðfest.
• 3.15 201611003 Beiðni um skiptingu lands og breytingu á landnotkun/Ketilsstaðir 1 og 2
  Bókun fundar Frestur til að skila inn athugasemdum við skipulagstillögu á vinnslustígi er lokið og barst ein athugasemd.
  
  Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn að tillaga að breytingu á Aðalskipulagi Fljótsdalshéraðs 2008-2028 verði auglýst skv. 31. gr. skipulagslaga nr. 123/2010. Jafnframt staðfestir bæjarstjórn samþykkt umhverfis- og framkvæmdanefndar frá 68. fundi þann 26. apríl sl. um að tillaga að nýju deiliskipulagi fyrir Álfaás í landi Ketilsstaða 1 og 2 verði auglýst samhliða.
  Bæjarstjórn beinir því til vinnuhóps um gögnuleiðir að taka framkomna athugasemd til greina.
  
  Samþykkt samhljóða með handauppréttingu.
• 3.16 201705107 Útikörfuboltavöllur á Egilsstöðum
  Bókun fundar Í vinnslu.
• 3.17 201705167 Beiðni um niðurfellingu gatnagerðargjalda
  Bókun fundar Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn að lækka gatnagerðargjöld á lóð nr. 2 við Norðurtún í samræmi við samþykkt bæjarstjórnar frá 15. febrúar 2017.
  
  Samþykkt samhljóða með handauppréttingu.
• 3.18 201704054 Samstarfsverkefni um sjálfbæra þróun í bæjum og borgum á Norðurlöndum
  Bókun fundar Lagt fram til kynningar.
• 3.19 201705201 Myndskreytingar á byggingu Rarik við Kaupvang 9
  Bókun fundar Afgreiðsla umhverfis- og framkvæmdanefndar staðfest.
• 3.20 201705202 Bygging íbúðarhúss á Höfða, lóð 2 - Fyrirspurn
  Bókun fundar Í vinnslu.
  
  
• 3.21 201705045 Aðalfundur SSA 2017
  Bókun fundar Í vinnslu.
• 3.22 201706050 Uppsetning skilta um að gisting sé óheimil á viðkomandi stað
  Bókun fundar Fyrir liggur erindi þar sem lagt er til að sett verði upp skilti á nokkrum stöðum á Fljótsdalshéraði til að vekja athygli á að á viðkomandi stað sé gisting óheimil. Staðirnir sem um ræðir eru bílastæði og útskot þar sem reynslan undanfarið hefur sýnt að þörf er á slíkri ábendingu.
  
  Staðirnir eru:
  .
  Bílastæði við Selskóg
  .
  Bílastæði við þjónustuhús á Vatnsskarði
  .
  Bílastæði við gönguleiðina í Fardagafoss
  .
  Bílastæði við Hettuna
  .
  Nýtt bílastæði á s.k. brennustæði á Egilsstöðum
  .
  Á bílastæði við Egilsstaðakirkju
  .
  Áningarstaður við Rjúkanda (með fyrirvara um að Vegagerðin gefi heimild fyrir slíku)
  .
  Áningarstaður við brúna yfir Jökulsá (með fyrirvara um að Vegagerðin gefi heimild fyrir slíku)
  
  
  Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn erindið og gerir tillögu um að skilti verði sett niður á eftirtöldum stöðum að auki: Á bílaplönum við stofnanir sveitarfélagsins, á útskoti við gamla Seyðisfjarðarveginn, við Sigfúsarlund, við skilti Landgræðslunnar innan við Hól í Hjaltastaðaþinghá.
  Bæjarstjórn beinir þeim tilmælum til íbúa að koma ábendingum til sveitarfélagsins um fleiri staði sem talið er að þarfnist slíkra merkinga. Jafnframt bendir bæjarstjórn fyrirtækja- og landeigendum á að þeir geta nýtt sér hönnun skiltisins. Bæjarstjórn felur starfsmanni nefndarinnar að skrifa bílaleigum bréf þar sem vakin er athygli á að skv. lögreglusamþykkt sveitarfélagsins er óheimilt að gista í tjöldum, húsbílum og ferðavögnum á almannafæri í þéttbýli utan sérmerktra svæða.
  
  Samþykkt samhljóða með handauppréttingu.

Málsnúmer 1706005F

• 4.1 201706049 Tónlistarskólinn á Egilsstöðum - skóladagatal 2017-2018
  Bókun fundar Afgreiðsla fræðslunefndar staðfest.
• 4.2 201705078 Menningarstefna, menningaruppeldi
  Bókun fundar Eftirfarandi tillaga lögð fram:
  Bæjarstjórn tekur undir með fræðslunefnd og telur niðurstöður frá vinnufundi með fulltrúum stofnana sveitarfélagsins áhugaverða og hvetur menningarstofnanir og skólana til að skoða þau tækifæri sem í hugmyndunum felast.
  Bæjarstjórn leggur áherslu á að ekki sé um að ræða verkefni sem auka álag á starfsmenn skólanna, þess í stað verði áhersla á að verkefni sem eru/verða til í skólunum verði hluti af því menningarstarfi sem um ræðir.
  
  Samþykkt samhljóða með handauppréttingu.
• 4.3 201101102 Menntastefna Fljótsdalshéraðs
  Bókun fundar Í vinnslu.
• 4.4 201705045 Aðalfundur SSA 2017
  Bókun fundar Í vinnslu.
• 4.5 201706045 Skoðunarskýrsla HAUST/Mötuneyti Egilsstaðaskóla
  Bókun fundar Lagt fram til kynningar.
• 4.6 201412027 Málefni Skólamötuneytis
  Bókun fundar Í vinnslu.
• 4.7 201211040 Fundargerðir skólaráðs Fellaskóla.
  Bókun fundar Lagt fram til kynningar.
• 4.8 201706047 Bókun 1 við kjarasamning FG og SNS
  Bókun fundar Eftirfarandi tillaga lögð fram:
  Bæjarstjórn tekur undir með fræðslunefnd og fagnar þeirri vinnu sem liggur að baki lokaskýrslu vegna bókunar 1 í kjarasamningi FG og SNS. Bæjarstjórn þakkar þeim fulltrúum sem komu að vinnunni í skólunum einkar vel unnin störf og mun hafa skýrsluna og fylgigögn hennar að leiðarljósi við vinnu við starfs- og fjárhagsáætlun í haust.
  
  Samþykkt samhljóða með handauppréttingu.
• 4.9 201610017 Egilsstaðaskóli - nemendamál
  Bókun fundar Til kynningar.
• 4.10 201703021 Launaþróun á fræðslusviði 2017
  Bókun fundar Lagt fram til kynningar.
• 4.11 201108127 Skýrsla fræðslustjóra
  Bókun fundar Til kynningar.

Málsnúmer 201706024

Málsnúmer 201706026

Málsnúmer 201706051