Bæjarstjórn Fljótsdalshéraðs

Málsnúmer 201804070

Málsnúmer 1811002F

• 2.1 201801001 Fjármál 2018
  Bókun fundar Vísast til liðar 6, en að öðru leyti lagt fram til kynningar.
• 2.2 201804070 Fjárhagsáætlun 2019 - 2022
  Bókun fundar Afgreitt undir lið 1.
• 2.3 201811045 Stjórnarfundur Brunavarna á Héraði 22.10.2018
  Bókun fundar Fundargerðin lögð fram til kynningar.
• 2.4 201811023 Aðalfundur Héraðsskjalasafns Austfirðinga 2018
  Bókun fundar Lagt fram til kynningar.
• 2.5 201811034 Aðalfundur Skólaskrifstofu Austurlands 2018
  Bókun fundar Lagt fram fundarboð á aðalfund Skólaskrifstofunnar 23. nóv. nk, ásamt fylgigögnum.
  
  Eftirfarandi tillaga lögð fram:
  Að tillögu bæjarráðs samþykkir bæjarstjórn að Björn Ingimarsson fari með umboð og atkvæði Fljótsdalshéraðs á fundinum. Varamaður verði Stefán Bragason.
  
  Samþykkt samhljóða með handauppréttingu.
• 2.6 201802004 Norrænt samstarfsverkefni um betri bæi 2018
  Bókun fundar Í vinnslu.
• 2.7 201811019 Ný reglugerð um Jöfnunarsjóð sveitarfélaga
  Bókun fundar Afgreiðsla bæjarráðs staðfest.
• 2.8 200906071 Aðalskipulag Fljótsdalshéraðs 2008-2028
  Bókun fundar Í vinnslu.
• 2.9 201811031 101 Austurland - Tindar og toppar - þýðing á ensku
  Bókun fundar Bæjarráð vísaði málinu til atvinnu- og menningarnefndar.
• 2.10 201811043 Tillaga til þingsályktunar um náttúrustofur
  Bókun fundar Eftirfarandi tillaga lögð fram:
  Fljótsdalshérað tekur heils hugar undir mikilvægi þess að skipaður verði starfshópur til að meta stöðu náttúrustofa og efla starfsemi þeirra. Jafnframt er lögð áhersla á það að slíkur starfshópur hafi samráð við sveitarfélög sem að náttúrustofum standa, við gerð sinna tillagna.
  
  Samþykkt samhljóða með handauppréttingu.
• 2.11 201811044 Tillaga til þingsályktunar um aðgerðaráætlun í húsnæðismálum
  Bókun fundar Lagt fram til kynningar.

Málsnúmer 1811006F

• 3.1 201801001 Fjármál 2018
  Bókun fundar Lagt fram.
• 3.2 201804070 Fjárhagsáætlun 2019 - 2022
  Bókun fundar Vísað til afgreiðslu í lið 1.
• 3.3 201809072 Fundargerðir stjórnar SSA starfsárið 2018 - 2019
  Bókun fundar Lagt fram til kynningar.
• 3.4 201811095 Fundargerð SvAust 23. október 2018
  Bókun fundar Lagt fram til kynningar.
• 3.5 201811004 Samstarfsnefnd um sameiningu sveitarfélaga
  Bókun fundar Lagt fram til kynningar.
• 3.6 201811059 Leiðbeinandi verklagsreglur vegna viðauka fjárhagsáætlunar
  Bókun fundar Á fundi bæjarráðs var farið yfir framlagðar leiðbeinandi verklagsreglur frá ráðuneytinu og þær ræddar. Fram kom að hjá Fljótsdalshéraði hefur í öllum meginatriðum verið unnið eftir því sem þar kemur fram.
  
  Eftirfarandi tillaga lögð fram:
  Bæjarstjórn samþykkir að fela bæjarstjóra og fjármálastjóra að gera drög að sérstökum reglum fyrir Fljótsdalshérað vegna tilfærslu fjárheimilda milli liða í samræmi við það sem kemur fram í hinum leiðbeinandi verklagsreglum.
  
  Samþykkt samhljóða með handauppréttingu.
• 3.7 201811063 Kirkjur - menningarveðmæti
  Bókun fundar Í bæjarráði var lagt fram erindi frá Þórhalli Pálssyni varðandi viðhald kirkna innan sveitarfélagsins.
  
  Eftirfarandi tillaga lögð fram:
  Bæjarstjórn hvetur viðkomandi sóknarnefndir til að senda umsóknir til húsafriðunarsjóðs, ef þær hyggja á endurbætur sinna sóknarkirkna. Sveitarfélagið er tilbúið að aðstoða við gerð slíkra umsókna, verði eftir því óskað.
  
  Erindinu var að öðru leyti vísað frá bæjarráði til atvinnu- og menningarnefndar til umfjöllunar.
  
  Samþykkt samhljóða með handauppréttingu.
  
• 3.8 200906071 Aðalskipulag Fljótsdalshéraðs 2008-2028
  Bókun fundar Í vinnslu.
• 3.9 201811075 Ályktun frá foreldraráði Hádegishöfða og Tjarnarskógar
  Bókun fundar Afgreiðsla bæjarráðs staðfest.
• 3.10 201811077 Efling Egilsstaðaflugvallar
  Bókun fundar Eftirfarandi tillaga lögð fram:
  Bæjarstjórn tekur jákvætt í að áfram verði tryggt fjármagn í sameiginlegt verkefni um markaðssetningu og eflingu Egilsstaðaflugvallar.
  
  Erindið er að öðru leyti áfram í vinnslu hjá bæjarráði og atvinnu- og menningarnefnd.
  
  Samþykkt samhljóða með handauppréttingu.
• 3.11 201811087 Frumvarp til laga um sjóði og stofnanir sem starfa samkvæmt staðfestri skipulagsskrá og málefnum aldraðra
  Bókun fundar Lagt fram til kynningar.
• 3.12 201811089 Frumvarp til laga um breytingu á lögum um réttindi og skyldur starfsmanna ríkisins
  Bókun fundar Lagt fram til kynningar.

Málsnúmer 1811003F

• 4.1 201811032 Kynning á Menningarmiðstöð Fljótsdalshéraðs og Sláturhúsinu
  Bókun fundar Lagt fram til kynningar.
• 4.2 201811022 Menningarstyrkir 2019
  Bókun fundar Afgreiðsla atvinnu- og menningarnefndar staðfest.
• 4.3 201807024 Menningarstefna Fljótsdalshéraðs, endurskoðun
  Bókun fundar Í vinnslu.
• 4.4 201807025 Fagráð Menningarmiðstöðvar Fljótsdalshéraðs
  Bókun fundar Í vinnslu.
• 4.5 201811038 Leyfi fyrir innheimtu aðgangseyris á Sumarsýningu MMF 2019
  Bókun fundar Í vinnslu.
• 4.6 201811039 Umsókn um stuðning úr Atvinnumálasjóði Fljótsdalshéraðs
  Bókun fundar Afgreiðsla atvinnu- og menningarnefndar staðfest.

Málsnúmer 1811005F

• 5.1 201810157 Fundargerð 144. fundar Heilbrigðisnefndar Austurlands
  Bókun fundar Lagt fram til kynningar.
• 5.2 201810013 Aðalfundur Heilbrigðiseftirlits Austurlands 2018
  Bókun fundar Lagt fram til kynningar.
• 5.3 201810164 Niðurfelling Unaósvegar af vegaskrá
  Bókun fundar Á fundi umhverfis- og framkvæmdanefndar var lögð fram tilkynning um áform Vegagerðarinnar um niðurfellingu Unaóssvegar af vegaskrá.
  
  Eftirfarandi tillaga lögð fram:
  Bæjarstjórn tekur undir með umhverfis- og framkvæmdanefnd og mótmælir niðurfellingu vegarins af vegskrá með vísan til þess að um er að ræða bújörð sem er tilbúin til rekstrar.
  
  Samþykkt samhljóða með handauppréttingu.
• 5.4 201509024 Verndarsvæði í byggð
  Bókun fundar Afgreiðsla umhverfis- og framkvæmdanefndar staðfest.
• 5.5 201811051 Fyrirspurn til umhverfis- og framkvæmdanefndar, ástand gatna á Eiðum
  Bókun fundar Afgreiðsla umhverfis- og framkvæmdanefndar staðfest.
• 5.6 201703178 Viðhald kirkjugarða
  Bókun fundar Afgreiðsla umhverfis- og framkvæmdanefndar staðfest.
• 5.7 201810143 Friðlýsing / Norðurland - vatnasvið Jökulsár á Fjöllum: 12 Arnardalsvirkjun og 13 Helmingsvirkjun
  Bókun fundar Fyrir fundinum liggur erindi frá Umhverfisstofnun þar sem kynnt eru áform um friðlýsingu vatnasviðs Jökulsár á Fjöllum gagnvart orkuvinnslu. Um er að ræða virkjanakosti sem eru í verndarflokki rammaáætlunar, svæði 12 Arnardalsvirkjun og 13 Helmingsvirkjun.
  
  Eftirfarandi tillaga lögð fram:
  Bæjarstjórn tekur undir með umhverfis- og framkvæmdanefnd og gerir ekki athugasemd við fyrirliggjandi tillögu að friðlýsingu.
  
  Samþykkt samhljóða með handauppréttingu.
  
• 5.8 201811042 Fyrirspurn varðandi liði í umferðaröryggisáætlun Fljótsdalshéraðs
  Bókun fundar Fyrir fundi umhverfis- og framkvæmdanefndar lá fyrirspurn um framkvæmd á umferðaöryggisáætlun. Fram kemur í erindinu að snyrta þurfi trjágróður á gatnamótum Gilsárteigs og Borgarfjarðarvegar og öryggi á brú á milli Gilsárteigs og Brennistaða sé ábótavant.
  
  Eftirfarandi tillaga lögð fram:
  Bæjarstjórn tekur undir með umhverfis- og framkvæmdarnefnd, þakkar erindið og felur skipulags- og byggingarfulltrúa að benda Vegagerðinni á að klippa þurfi trjágróður við þessi gatnamót. Jafnframt er skipulags- og byggingarfulltrúa falið að kanna hvort umrædd brú sé á forsvari Vegagerðarinnar. Ef svo er ekki samþykkir bæjarstjórn að sótt verði um styrk fyrir viðhaldi hennar í styrkvegasjóð.
  
  Samþykkt samhljóða með handauppréttingu.
  
• 5.9 201702095 Rafbílavæðing
  Bókun fundar Lagt fram til kynningar.
• 5.10 201811052 Gjaldskrá fyrir meðhöndlun og förgun úrgangs
  Bókun fundar Í umhverfis- og framkvæmdanefnd var lögð fram tillaga að gjaldskrá fyrir meðhöndlun og förgun úrgangs á Fljótsdalshéraði 2019.
  
  Eftirfarandi tillaga lögð fram:
  Að tillögu umhverfis- og framkvæmdanefndar samþykkir bæjarstjórn tillögu að gjaldskrá fyrir meðhöndlun og förgun úrgangs á Fljótsdalshéraði 2019. Gjaldskráin verði auglýst í B- deild Stjórnartíðinda.
  
  Samþykkt samhljóða með handauppréttingu.
• 5.11 201811048 Fyrirspurn vegna skipulags á lóðum - TRÚNAÐARMÁL
  Bókun fundar Afgreitt af umhverfis- og framkvæmdanefnd.
• 5.12 201811002 Skólahreystibraut í Tjarnargarðinn
  Bókun fundar Eftirfarandi tillaga lögð fram:
  Bæjarstjórn þakkar fram komna hugmynd en bendir líkt og umhverfis- og framkvæmdanefnd á að unnið hefur verið að því að koma upp hreystitækjum í Selskógi.
  
  Bæjarstjórn telur þó að skoða beri þessa hugmynd í samhengi við aðrar hugmyndir um framtíð Tjarnargarðsins sem áður hafa borist frá Þjónustusamfélaginu og ungmennum í sveitarfélaginu.
  
  Umhverfis- og framkvæmdanefnd er falið að taka málefni Tjarnargarðsins sérstaklega á dagskrá með það í huga að taka afstöðu til fram kominna hugmynda og með hliðsjón af þeirri verkáætlun sem nú er unnið eftir varðandi framkvæmdir í Tjarnargarðinum.
  
  Samþykkt samhljóða með handauppréttingu.
  
• 5.13 201811001 Göngustígur frá Litluskógum og að Laufskógum eða Dynskógum
  Bókun fundar Afgreiðsla umhverfis- og framkvæmdanefndar staðfest.
• 5.14 201811036 Umsókn um leyfi til hænsnahalds
  Bókun fundar Umsókn um leyfi fyrir hænsnahaldi að Heimatúni 4.
  
  Eftirfarandi tillaga lögð fram:
  Bæjarstjórn samþykkir að fela skipulags- og byggingarfulltrúa að afgreiða umsóknina að fengnum öllum nauðsynlegum upplýsingum.
  
  Samþykkt samhljóða með handauppréttingu.
• 5.15 201810165 Breytingar á aðalskipulagi Skútustaðahrepps 2011 - 2023 og deiliskipulagi Kröfluvirkjunar
  Bókun fundar Lögð er fram lýsing á breytingu á Aðalskipulagi Skútustaðahrepps 2011-2023 og deiliskipulagi Kröfluvirkjunar.
  
  Eftirfarandi tillaga lögð fram:
  Bæjarstjórn tekur undir með umhverfis- og framkvæmdanefnd og gerir ekki athugasemd við erindið.
  
  Samþykkt samhljóða með handauppréttingu.
• 5.16 201811050 Nýtt deiliskipulag fyrir Tunguás í Fljótsdalshéraði
  Bókun fundar Afgreiðsla umhverfis- og framkvæmdanefndar staðfest.
• 5.17 201401135 Miðbær Egilsstaða deiliskipulag 2016
  Bókun fundar Í vinnslu.
• 5.18 201801084 Umsókn um framkvæmdaleyfi vegna endurnýjunar og áætlunar um uppbyggingu á fráveitu Egilsstaða. Fyrsta áfanga.
  Bókun fundar Fyrir fundinum lá erindi frá Skipulagsstofnun með ósk um umsögn Fljótsdalshéraðs um hvort ný skólphreinsistöð fyrir Egilsstaði og Fellabæ skuli háð mati á umhverfisáhrifum.
  
  Umhverfis- og framkvæmdanefnd samþykkti á fundi sínum 14. nóvember sl. að fela formanni og starfsmanni nefndarinnar, í samstarfi við forseta bæjarstjórnar, að móta tillögu að umsögn sem tekin yrði til afgreiðslu á næsta fundi bæjarstjórnar.
  
  Drög að umsögn liggja nú fyrir til afgreiðslu.
  
  Eftirfarandi tillaga lögð fram:
  Bæjarstjórn samþykkir fyrirliggjandi drög að umsögn og felur skipulags- og byggingarfulltrúa að undirrita hana og senda til Skipulagsstofnunar.
  
  Tillagan borin upp og samþykkt með 5 atkvæðum meirihluta, en 4 fulltrúar minnihluta greiddu atkvæði gegn henni.
  
  
  Steinar Ingi Þorsteinsson lagði fram eftirfarandi bókun L listans.
  L-listinn undrast það að meirihluti umhverfis- og framkvæmdanefndar skuli hafa komið í veg fyrir að nefndin kæmi að vinnu við þá umsögn sem hér liggur fyrir bæjarstjórn til afgreiðslu. Með því að samþykkja að fela formanni og starfsmanni nefndarinnar, í samstarfi við forseta bæjarstjórnar að vinna tillögu að umsögn var nefndin í raun útilokuð frá því að sinna verkefni sem henni er falið skv. 2 gr. samþykktar fyrir umhverfis-og framkvæmdanefnd sveitarfélagsins. Fulltrúar L-lista geta ekki fallist á það sem fram kemur í öðrum lið umsagnarinnar að nægjanlega sé gerð grein fyrir framkvæmdinni, umhverfi hennar, mótvægisaðgerðum og vöktun í þeirri skýrslu sem send var til Skipulagsstofnunar. Litlar sem engar upplýsingar er þar að finna um aðra valkosti, mótvægisaðgerðir og vöktun og á þetta var bent í bókun minnihlutans á 93. fundi umhverfis- og framkvæmdanefndar. Skýrslan sem Skipulagsstofnun biður hér um álit á var upphaflega unnin fyrir bæjarstjórn, í henni eru meinlegar villur og með ólíkindum verður að teljast að hún skuli ekki hafa verið fullunnin áður en hún var send til Skipulagsstofnunar.
  
  
  Hannes K. Hilmarsson lagði fram eftirfarandi bókun M-listans.
  M- Listinn tekur undir bókun L-listans varðandi þau vinnubrögð sem voru viðhöfð í þessu máli, og fordæmir að ekki sé látið reyna á að fullklára núverandi leið og bendir á mikla eignamyndun í núverandi hreinsivirkjum og þekkingu, sem orðin er til á svæðinu í rekstri slíkra mannvirkja, og harmar að kasta eigi fyrir róða án frekari skoðunar eða kostnaðarmats. M-Listinn harmar það afturhvarf til fortíðar sem fellst í þeirri stefnubreytingu sem boðuð er og telur hana verða til tjóns fyrir sveitarfélagið, bæði kostnaðarlega og ímyndarlega þegar fram í sækir.
  
  Stefán Bogi Sveinsson lagði fram eftirfarandi bókun fyrir hönd B- og D-lista:
  Fulltrúar B- og D-lista í bæjarstjórn leggja áherslu á að á þessu stigi málsins er aðeins verið að taka afstöðu til þess hvort fyrirhuguð fráveituframkvæmd, bygging hreinsistöðvar fyrir fráveitu og tengdar lagnaframkvæmdir, eigi að sæta umhverfismati. Skipulagsstofnun hefur leitað álits sveitarfélagsins á því og það er bæjarstjórnar að veita það álit en Skipulagsstofnunar að taka ákvörðun.
  Bæjarstjórn er æðsta stjórn sveitarfélagsins og það getur aldrei verið rangt að vísa málum sem tekin eru fyrir í nefndum sveitarfélagsins til endanlegrar afgreiðslu í bæjarstjórn, enda starfa allar fastanefndir í umboði bæjarstjórnar.
  Málið sem hér um ræðir var tekið á dagskrá umhverfis- og framkvæmdanefndar, það var rætt innan nefndarinnar og nefndin tók ákvörðun um afgreiðslu þess. Allt er þetta ferli þar sem kjörnir fulltrúar í viðkomandi fagnefnd og í bæjarstjórn hafa haft tækifæri til þess að koma sínum sjónarmiðum á framfæri og leggja fram tillögur um afgreiðslu málsins.
  
  
• 5.19 1809021F Afgreiðslufundur byggingarfulltrúa Fljótsdalshéraðs - 163
  Bókun fundar Lagt fram til kynningar.
• 5.20 201702029 Breyting á deiliskipulagi Unalækjar
  Bókun fundar Í vinnslu.

Málsnúmer 201811058

Málsnúmer 201811008