Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn og fór yfir talnaefni úr rekstri Fljótsdalshéraðs 2015.

Bæjarstjóri kynnti tilboð PWC um markaðslaunagreiningu fyrir sveitarfélagið. Bæjarráð samþykkir að heimila bæjarstjóra að semja við PWC um verkefnið, enda verði kostnaður um 150 þúsund eins og áætlað er. Kostnaður færist á lið 21080.

Bæjarstjóri kynnti dóm hæstaréttar í máli Landsvirkjunar gegn Fljótsdalshéraði og Þjóðskrá Íslands sem kveðinn var upp 8. október. Þar er staðfest að meta ber vatnsréttindi til fasteignamats og þau séu þannig gjaldstofn til álagningar fasteignagjalda.

Ljóst er að dómurinn hefur töluverða þýðingu fyrir mörg sveitarfélög sem munu nú í einhverjum tilfellum í fyrsta sinn geta innheimt opinber gjöld af orkuframleiðslu sem fram fer innan þeirra. Bæjarráð fagnar því að niðurstaðan er í samræmi við málflutning sveitarfélagsins frá upphafi.

Bæjarráð vill þó árétta að niðurstaðan tekur aðeins til lítils hluta þeirra miklu hagsmuna sem um ræðir og að áfram er rík nauðsyn á því að endurskoða allt skattkerfi raforkuframleiðslu til að tryggja að eðlilegur arður af framleiðslunni skili sér til íbúa í nærsamfélögunum. Staðan er ennþá sú að engin fasteignagjöld eru innheimt af raforkumannvirkjum á borð við stíflur, fallgöng og línur.

Næstu skref í málinu eru að óska eftir því við Þjóðskrá að meta viðkomandi vatnsréttindi og leggja á þau fasteignagjöld. Bæjarráð leggur áherslu á að Þjóðskrá hraði þeirri vinnu sem kostur er, svo að réttmætar tekjur geti farið að skila sér til sveitarfélagsins.

Bæjarráð samþykkir að vísa samþykktum SSA út til viðkomandi nefnda sveitarfélagsins til upplýsinga og umfjöllunar.

Bæjarráð óskar eftir því við stjórn Brunavarna á Austurlandi að við framkomnum athugasemdum verði brugðist sem fyrst.
Bæjarráð óskar jafnframt eftir því að fá á næstunni fund með fulltrúum stjórnar og slökkviliðsstjóra, í tengslum við bæjarráðsfund til að fara yfir málið.

Bæjarráð mun ekki veita umsögn um málið.

Bæjarráð leggur áherslu á það að Sambandi Ísl sveitarfélaga fari gaumgæfilega yfir skýrsluna til að greina þau áhrif sem niðurstöður hennar kunna að hafa á rekstur sveitarfélaga og réttindi og skyldur þeirra og íbúanna, svo sem barna og foreldra þeirra.

Lögð fram erindi frá forsætisráðuneytinu með verkefnislýsingu um mótun eigendastefnu fyrir þjóðlendur. Jafnframt er óskað eftir ábenginum um verkefnislýsinguna.
Einnig lögð fram drög að ábendingum unnin af lögmanni sveitarfélagsins.

Bæjarráð samþykkir að fela bæjarstjóra í samráði við lögmann að svara erindinu, með vísan í framlögð drög.

Bæjarstóri fór yfir viðræður við fulltrúa Fljótsdalshrepps varðandi verðmat á lausamunum í Hallormsstaðaskóla.

Bæjarstjóra falið að ljúka málinu.

Fram kom að ágóðahlutdeild Fljótsdalshéraðs á þessu ári verður 1.108.500 kr.