Guðlaugur Sæbjörnsson fjármálastjóri fór yfir nokkra liði úr bókhaldi sveitarfélagsins og upplýsti fundarmenn um stöðuna. Einnig fór Björn Ingimarsson bæjarstjóri yfir nokkur mál sem hann er að vinna að.
Lagður fram tölvupóstur frá bæjarstjóra Seyðisfjarðar, varðandi fyrirhugaðan fund með samgöngu- og sveitarstjórnarráðherra vegna Fjarðarheiðarganga og mögulega aðkomu Fljótsdalshéraðs að þeim fundi. Bæjarráð tekur vel í þátttöku í slíkum fundi og felur bæjarstjóra að koma að undirbúningi hans fyrir hönd sveitarfélagsins.
Lagt fram erindi frá SSA, varðandi gistingu fulltrúa sveitarfélagsins á aðalfundi SSA 7. - 8. september nk. Bæjarstjóra falið að svara erindinu, að fengnum upplýsingum frá þingfulltrúum.
Erindi frá Umhverfis- og auðlindaráðuneytinu vegna kynningafundar um stofnun þjóðgarðs á Miðhálendinu. Bæjarstjóra falið að að vera í sambandi við ráðuneytið um tímasetningu fundarins.
Björn Ingimarsson fór yfir fyrirhugaðar framkvæmdir við útikörfuboldavöllinn sem áformað er að fara í á þessu ári. Jafnframt fór hann yfir fund sem hann átti með fulltrúum körfuknattleiksdeildar Hattar vegna málsins. Fram kom að framkvæmdin mun verða að öllu leyti á hendi sveitarfélagsins. Bæjarráð samþykkir að sveitarfélagið fari í framkvæmdina. Stefnt er að því að jarðvegsframkvæmdir verði á þessu ári og framkvæmdinni verði lokið um mitt næsta ár. Starfsmönnum framkvæmdasviðs falið að vinna málið áfram í samráði við umhverfis- og framkvæmdanefnd.
Steinar Þorsteinsson fór yfir hugmyndir L-listans að opnari stjórnsýslu og hvernig hægt væri að vinna að þeim málum. Einnig hvernig hægt væri að auka aðkomu almenninga að ákvarðanatöku.
Bæjarráð samþykkir að vísa þessum hugmyndum inn í vinnu við endurskoðun samþykkta sveitarfélagsins.
Guðlaugur fór yfir sögu og stöðuna á Fasteignafélagi Fljótsdalshéraðs, sem í dag er félag um eignir Reiðhallarinnar á Iðavöllum. Samþykkt samhljóða með handauppréttingu að boðað verði til aðalfundar í félaginu mánudaginn 9. júlí nk. Bæjarráð samþykkir að bæjarstjóri fari með hlut sveitarfélagsins á fundinum og leggur til að fulltrúar í bæjarráði skipi stjórn félagsins.
Samþykkt samhljóða með handaupprétingu að boðað verði til aðalfundar í félaginu mánudaginn 9. júlí nk. Bæjarráð samþykkir að bæjarstjóri fari með hlut sveitarfélagsins á fundinum og leggur til að fulltrúar í bæjarráði skipi stjórn félagsins.
Rætt um vinnufund bæjarráðs vegna vinnu við endurskoðun samþykktanna. Samþykkt að boða til vinnufundar þriðjudaginn 10. júlí kl. 8:00 í litla fundarsalnum að Lyngási 12.
Einnig fór Björn Ingimarsson bæjarstjóri yfir nokkur mál sem hann er að vinna að.