Ungmennaráð Fljótsdalshéraðs

Starfshópur mennta- og menningarmálaráðherra, sem skipaður var í kjölfar #églíka (#metoo) yfirlýsinga íþróttakvenna, hefur skilað ráðherra tillögum um aðgerðir gegn kynferðislegri áreitni og ofbeldishegðun í íþrótta- og æskulýðsstarfi.

Leggur ungmennaráð til að unnið verði með skýrsluna og niðurstöður hennar hjá Fljótsdalshéraði og þær tillögur teknar til greina sem snúa beint að sveitarfélögum. Jafnframt leggur ráðið til að jafnréttisnefnd verði falið að fylgjast með framgangi þeirrar vinnu.

Samþykkt samhljóða með handauppréttingu.

Lögð fram til kynningar æskulýðsstefna Fljótsdalshéraðs og þau atriði sem snúa beint að ungmennaráði.

Sameiginlegur viðburður ungmennaráðs Fljótsdalshéraðs, Nemendafélags Menntaskólans á Egilsstöðum, Útmeð'a og Geðhjálpar er í vinnslu.

Lagðar fram til kynningar upplýsingar frá Kristbjörgu Mekkín Helgadóttur varðandi ungmennaráð heimsmarkmiða Sameinuðu þjóðanna, en Kristbjörg situr í ráðinu.

Ungmennaráð Unicef vantar ungt fólk til að taka þátt í ýmsum verkefnum ráðsins í vetur.

Ungmennaráð Fljótsdalshéraðs hvetur ungt fólk í sveitarfélaginu til að kynna sér málin og gefa kost á sér til að starfa með ungmennaráði Unicef. Hægt er að leita upplýsinga á vefsíðu ráðsins, https://unicef.is/ungmennarad.

Samþykkt samhljóða með handauppréttingu.

Lagðar fram til kynningar upplýsingar um ráðstefnuna Arctic Circle sem haldin verður í október 2018.

Fyrir liggur að halda sameiginlega fundi ungmennaráðs og bæjarstjórnar Fljótsdalshéraðs starfsárið 2018 - 2019.

Ungmennaráð leggur til að fyrsti fundur verði haldinn 5. desember 2018.

Samþykkt samhljóða með handauppréttingu.

Dagskrá og umgjörð Ungmennaþings 2019 í vinnslu.

Unnið er að starfsáætlun ungmennaráðs samhliða fjárhagsáætlun.

Fyrir liggja ýmis gögn er varða fjárhagsáætlun ungmennaráðs fyrir árið 2019.

Fjárhagsáætlun ráðsins er í vinnslu.