Íþrótta- og tómstundanefnd

Fyrir liggur samþykkt fyrir íþrótta- og tómstundanefnd til kynningar. Einnig lögð fram ýmis önnur gögn sem nefndin mun styðjast við í vinnu sinni.

Ákveðið að fundir nefndarinnar verði að annan miðvikudag í mánuði kl. 17.00.

Samþykkt samhljóða með handauppréttingu.

Fyrir liggja drög að verklagsreglum um afnot meistaraflokka og afrekstfólks í íþróttum af Héraðsþreki og sundlaug. Málið var síðast á dagskrá menningar- og íþróttanefndar 13. maí 2014. Jafnframt liggur fyrir svar frá formanni Hattar um að félagið geri ekki athugasemdir við drögin.

Íþrótta- og tómstundanefnd samþykkir fyrir sitt leiti fyrirliggjandi drög að verklagsreglum.

Samþykkt samhljóða með handauppréttingu.

Á þessu ári eru 40 ár liðin síðan Íþróttafélagið Höttur var stofnað.

Íþrótta og tómstundanefnd leggur til að Fljótsdalshérað minnist þessara tímamóta með viðeigandi hætti.

Samþykkt samhljóða með handauppréttingu.

Fyrir liggur bókun bæjarstjórnar frá 7. maí 2014 þar sem tillögu ungmennaráðs um að jafna þurfi stöðu karla og kvenna til íþróttaiðkunnar, er beint til íþróttafélaganna á Fljótsdalshéraði. Þar kemur einnig fram að Fljótsdalshérað á að vera í forystu hvað varðar jafnrétti á sviðum íþrótta og tómstunda.

Íþrótta og tómstundanefnd óskar eftir því að fulltrúar ungmennaráðs mæti á fund nefndarinnar í haust og fari yfir málið.

Samþykkt samhljóða með handauppréttingu.

Fyrir liggja starfsskýrslur nokkurra félaga fyrir 2013 sem eru með samning við sveitarfélagið. Málið var áður á dagskrá menningar og íþróttanefndar 13. maí 2014.

Á næsta fundi nefndarinnar verði farið yfir samninga við íþrótta og tómstundafélög sem losna á þessu ári.

Samþykkt samhljóða með handauppréttingu.

Fyrir liggja drög að Forvarnastefnu Fljótsdalshéraðs 2014-2018. Jafnframt liggur fyrir til kynningar skýrslan "Ungt fólk - grunnskólar 2014, Hagir og líðan ungs fólks á Fljótsdalshéraði. Niðurstöður rannsóknar meðal nemenda í 8., 9. og 10. bekk árið 2014."

Málinu frestað og verður tekið upp aftur á næsta fundi nefndarinnar.

Fyrir liggja drög að fjárhagsáætlun íþrótta- og tómstundanefndar fyrir 2015 sem unnin var af þáverandi nefnd. Málinu vísað til næsta fundar nefndarinnar.

Lagt fram til kynningar.

Fyrir liggur fundargerð samráðsnefndar um skíðasvæðið í Stafdal frá 4. júlí 2014.

Lagt fram til kynningar.