Íþrótta- og tómstundanefnd

Fyrir liggur bókun aðalfundar frjálsíþróttadeildar Hattar frá 14. mars 2016 þar sem fram koma óskir um að í tengslum við undirbúningsvinnu við byggingu fimleikahúss verði gert ráð fyrir að í nánustu framtíð komist einnig fyrir innan húsnæðisins æfingaaðstaða fyrir frjálsíþróttafólk, með tartanbrautum, langstökksgryfju og kastaðstöðu.

Íþrótta- og tómstundanefnd leggur til að málið verði skoðað í tengslum við hugmyndir um byggingu fimleikahúss en leggur áherslu á að þetta tefji ekki framgang byggingar fimleikahúss. Málinu að öðru leyti vísað til bæjarráðs.

Samþykkt samhljóða með handauppréttingu.

Á fundi bæjarstjórnar 4. maí 2016 var eftirfarandi bókun ungmennaráðs, frá 20. apríl 2016, varðandi skipan í starfshóp um æskulýðsstefnu sveitarfélagsins, beint til íþrótta- og tómstundanefndar: "Þar sem ungmennaráðið telur sig hafa töluverða innsýn í málefni ungs fólks, óskar ráðið eftir að fá að tilnefna fulltrúa í starfshópinn og mun gera það á næsta fundi ráðsins ef beiðni kemur um slíkt."

Íþrótta- og tómstundanefnd þakkar ungmennaráði ábendinguna og leggur til að á næsta fundi ráðsins verði fulltrúi þessi tilnefndur í starfshóp um æskulýðsstefnu sveitarfélagsins.

Samþykkt samhljóða með handauppréttingu.

Til umræðu voru hugmyndir um Selskóg sem útivistarsvæði, m.a. hugmyndir sem komið hafa fram á vefsvæðinu Betra Fljótsdalshérað. Málið var einnig á dagskrá síðasta fundi nefndarinnar.

Íþrótta- og tómstundanefnd leggur til, að m.a. í ljósi þess að fjöldi hugmynda liggja fyrir um notkun Selskógar sem útivistarsvæðis, verði fenginn hönnuður, landslagsarkitekt eða nemi sem vinni að lokaverkefni til að teikna upp og kostnaðargreina uppbyggingu í Selskóginum sem útivistar- og afþreyingarsvæði. Nefndin beinir því jafnframt til bæjarstjórnar að gert verði ráð fyrir fjármunum til uppbyggingar svæðisins til næstu ára.

Samþykkt samhljóða með handauppréttingu.

Fyrir liggur fundargerð samráðsnefndar um skíðasvæðið í Stafdal frá 10. maí 2016.

Lagt fram til kynningar.

Fyrir liggur tölvupóstur dagsettur 5. maí 2016, frá Guttormi Kristmannssyni, f.h. Bridgesambands Austurlands, þar sem óskað er eftir styrk vegna kjördaæmamóts í bridge á Hallormsstað dagana 21. - 22. maí.

Íþrótta- og tómstundanefnd leggur til að verkefnið verði styrkt um kr. 30.000 sem tekið verði af lið 0689.

Samþykkt samhljóða með handauppréttingu.

Fyrir liggur styrkumsókn frá Freyfaxa vegna æskulýðsstarfsemi félagsins. Einnig starfsskýrsla æskulýðsnefndar fyrir árið 2015.

Íþrótta- og tómstundanefnd leggur til að Freyfaxi verði styrkur um kr. 120.000 vegna æskulýðsstarfsemi sem tekið verði af lið 0689.

Samþykkt samhljóða með handauppréttingu.

Fyrir liggur styrkumsókn frá Urriðavatssundi vegna sundkeppni í samnefndu vatni.

Íþrótta- og tómstundanefnd leggur til að verkefnið verði styrkt um kr. 50.000 sem tekið verði að lið 0689.

Samþykkt samhljóða með handauppréttingu.

Auglýstur var í apríl til umsóknar styrkur sem ætlaður er til að aðstoða íþróttafélög á Fljótsdalshéraði til að ferðast til Runavíkur í Færeyjum, með það að markmiði m.a. að efla samstarf á milli íþróttafélaga í báðum sveitarfélögum. Umsóknarfrestur rann út 2. maí. Ein umsókn barst, frá fimleikadeild Hattar.

Íþrótta og tómstundanefnd leggur til að fimleikadeild Hattar verði styrkt um kr. 100.000 sem notaðar verði í ferðakostnað til Runavíkur. Nefndin óskar eftir að fá kynningu eða greinargerð um heimsóknina.

Samþykkt samhljóða með handauppréttingu.

Fyrir liggur fundargerð vallaráðs frá 18. maí 2016.

Lagt fram til kynningar.

Fyrir liggja drög að ramma að fjárhagsáætlun fyrir árið 2017 sem samþykktur var í bæjarráði 9. maí 2016.

Í vinnslu og tekið fyrir á næsta fundi. Óskað er eftir að forstöðumenn sem undir nefndina heyra mæti á fundinn.