Fræðslunefnd Fljótsdalshéraðs

Fræðslunefnd heimsótti Tónlistarskólann í Fellabæ í upphafi fundar þar sem aðstaða var skoðuð og rætt við skólastjóra. Skólinn fagnar 20 ára afmæli í haust. Fræðslunefnd minnir á ósk skólans um breytingu á húsnæði þannig að verði til kaffikrókur fyrir starfsfólk.

Drífa Sigurðardóttir fylgdi úr hlaði drögum að áætlun fyrir Tónlistarskólann í Fellabæ 2015. Endanleg afgreiðsla áætlunarinnar bíður afgreiðslu heildaráætlunar nefndarinnar.

Lögð fram drög að áætlun fyrir Tónlistarskólann á Egilsstöðum. Endanleg afgreiðsla áætlunarinnar bíður afgreiðslu heildaráætlunar fræðslunefndar.

Jón Arngrímsson kynnti drög að áætlun fyrir Tónlistarskólann í Brúarási. Endanleg afgreiðsla áætlunarinnar bíður afgreiðslu heildaráætlunar fræðslunefndar.

Guðmunda Vala Jónasdóttir fylgdi eftir drögum að fjárhagsáætlun leikskólans Hádegishöfða fyrir árið 2015. Endanleg afgreiðsla áætlunarinnar bíður afgreiðslu heildaráætlunar nefndarinnar.

Leitað var til mennta- og menningarmálaráðuneytisins um hvenær væri að vænta niðurstöðu umræddrar úttektar. Fram kom að þær væru væntanlegar mjög fljótlega og yrðu birtar á vef ráðuneytisins.

Rætt um mikilvægi þess að gengið verði frá formlegri skipan þeirra verkefna sem áður féllu undir leikskólafulltrúa. Fræðslunefnd fer þess á leit við skólastjóra leikskóla að þeir ásamt fræðslufulltrúa og umsjónaraðilum sérkennslu vinni greinargerð fyrir nefndina um hvernig þessir aðilar sjái þessum málum best borgið.

Farið yfir ábendingar frá áheyrnarfulltrúum leikskóla. Fræðslufulltrúa falið að taka saman punkta frá umræðum á þessum fundi og fundi með áheyrnarfulltrúum grunnskóla og senda á fulltrúa í fræðslunefnd.

Fræðslunefnd tilnefnir Gunnhildi Ingvarsdóttur, Soffíu Sigurjónsdóttur og Helgu Guðmundsdóttur sem fulltrúa á málþing varðandi framtíðarsýn fyrir leikskóla landsins.

Lagt fram til kynningar.

Til kynningar.