Fræðslunefnd Fljótsdalshéraðs

Hlín Stefánsdóttir, áheyrnarfulltrúi foreldra, kynnti erindið sem varðar beiðni um heimild til lengri gjaldfrjálsrar vistunar i upphafi og lok dags í þeim sérstöku tilvikum þar sem foreldrar eiga börn á báðum starfsstöðvum leikskólans Tjarnarskógar. Fræðslunefnd leggur til að heimildin verði rýmkuð úr þeim 15 mínútum sem nú er um að ræða í 30 mínútur samtals á dag, Aldrei verði um meira en 15 mínútur að ræða annars vegar í upphafi dags og 15 mínútur í lok dags. Þetta hafi þó aldrei áhrif á opnunartíma leikskólans. Samþykkt samhljóða með handauppréttingu.

Fræðslufulltrúi kynnti frumstöðu innritunar í leikskóla 2015. Endanleg niðurstaða verður kynnt þegar hún liggur fyrir.

Farið yfir tillögu að verklagsreglum og gerðar fáeinar tillögur að breytingum á orðalagi í lokagrein reglnanna. Verklagsreglurnar samþykktar samhljóða með handauppréttingu með áorðnum breytingum.

Farið yfir tillögu að gjaldskrá. Stefanía Malen Stefánsdóttir gerði athugasemd við hækkun á gjaldtöku fyrir veislur í húsnæði Brúarásskóla. Fræðslunefnd samþykkir fyrirliggjandi gjaldskrártilögu samhljóða með handauppréttingu.

Kjörnir fulltrúar í fræðslunefnd hittust á vinnufundi vegna þessa liðar 19. apríl 2015.
Vegna þeirra breytinga sem verða á skólastarfi á Hallormsstað frá og með næsta skólaári leggur fræðslunefnd til að skólahverfi Hallormsstaðaskóla og Egilsstaðaskóla verði sameinuð í eitt skólahverfi. Samþykkt samhljóða með handauppréttingu.
Fræðslunefnd óskar eftir að niðurstöður frá Starfshópi um almenningssamgöngur og skólaakstur sem starfað hefur í vetur liggi fyrir þegar næsti fundur verður í fræðslunefnd. Samþykkt samhljóða með handauppréttingu.
Fræðslunefnd felur fræðslufulltrúa að endurnýja samninga við skólabílstjóra í samræmi við gildandi reglur. Samþykkt samhljóða með handauppréttingu. Stefanía Malen Stefánsdóttir vék af fundi við afgreiðslu þessa síðasta þáttar vegna vanhæfis.

Farið yfir þróun launa á fræðslusviði á fyrsta ársfjórðungi ársins.

Til kynningar.