Fræðslunefnd Fljótsdalshéraðs

Sóley Valdimarsdóttir - fulltrúi foreldra leikskólabarna, kynnti erindið sem varðar hlutfall systkinaafsláttar, upphæð leikskólagjalda og möguleika á samtengingu systkinaafsláttar milli leikskóla og Frístundar. Jafnframt er í erindinu bent á mikilvægi þess að auglýsa eftir leikskólakennurum til starfa sem víðast til að auka hlutfall starfandi leikskólakennara á leikskólunum.

Fræðslunefnd leggur áherslu á að þau atriði sem foreldrar vekja athygli á í erindinu verði tekin til frekari skoðunar í haust við endanlega afgreiðslu fjárhagsáætlunar fyrir 2021.

Samþykkt samhljóða með nafnakalli.

Fræðslustjóri fór yfir fyrirliggjandi drög að fjárhagsáætlun fyrir leikskóla Fljótsdalshéraðs. Fræðslunefnd leggur til að gjaldskrá leikskóla 2021 verði hækkuð um 2.5%. Fjárhagsáætlun leikskóla með þeirri hækkun leikskólagjalda vísað til heildarafgreiðslu fræðslumála undir lið 6 á dagskrá fundarins.

Samþykkt með nafnakalli með 3 atkvæðum (BHS, SG, SHÞ) 1 á móti (LÞ) og 1 situr hjá (GVH).

Ruth Magnúsdóttir, kynnti fundargerð skólaráðs Egilsstaðaskóla frá 14. maí sl.

Lagt fram til kynningar.

Fræðslustjóri fór yfir fyrirliggjandi drög að fjárhagsáætlun fyrir grunnskóla Fljótsdalshéraðs. Fræðslunefnd leggur til að gjaldskrár Frístundar og fæðisliða sem innheimtir eru í grunnskólunum á árinu 2021 verði hækkaðar um 2.5%. Fjárhagsáætlun grunnskóla með þeirri hækkun gjaldskráa vísað til heildarafgreiðslu fræðslumála undir lið 6 á dagskrá fundarins.

Samþykkt samhljóða með nafnakalli.

Fræðslustjóri fór yfir fyrirliggjandi drög að fjárhagsáætlun fyrir tónlistarskóla Fljótsdalshéraðs. Fræðslunefnd leggur til að gjaldskrá tónlistarskóla frá og með skólaárinu 2020-2021 verði hækkuð um 2.5%. Fjárhagsáætlun tónlistarskóla með þeirri hækkun tónlistarskólagjalda vísað til heildarafgreiðslu fræðslumála undir lið 6 á dagskrá fundarins.

Samþykkt samhljóða með nafnakalli.

Fræðslustjóri fór yfir meginliði fjárhagsáætlunar fræðslusviðs 2021. Fræðslunefnd leggur til að gjaldskrá skólamötuneytis verði hækkuð um 2,5% frá áramótum 2021. Fræðslunefnd samþykkir fyrir sitt leyti fyrirliggjandi fjárhagsáætlun fyrir fræðslusvið 2021 með þeim breytingum sem samþykktar hafa verið í liðum 2, 4 og 5 á fundinum og vísar henni þannig til bæjarráðs.

Samþykkt með nafnakalli með 3 atkvæðum (BHS, SG, SHÞ), 1 á móti (LÞ) og 1 situr hjá (GVH).

Til kynningar.