Bæjarráð Fljótsdalshéraðs

Lagt fram yfirlit yfir tekjujöfnunarframlag Jöfnunarsjóðs, en Fljótsdalshérað fær ekki slíkt framlag.

Rætt um vinnuna við gerð fjárhagsáætlunar 2019.

Lagt fram til kynningar.

Björn Ingimarsson sagði frá umræðum á fundinum og fundi sem haldinn var með Vegagerðinni varðandi almenningssamgöngur.

Farið yfir stöðu mála varðandi viðræður um mögulega sameiningu sveitarfélaganna Borgarfjarðarhrepps, Seyðisfjarðarkaupstaðar, Fljótsdalshéraðs og Djúpavogshrepps.
Bæjarráð beinir því til bæjarstjórnar að taka málið til afgreiðslu á næsta fundi sínum.

Bæjarráð getur tekið undir að ástæða sé til þess að bæta og skýra réttarstöðu foreldra sem deila forsjá barna sinna. Þrátt fyrir það telur bæjarráð ljóst að frumvarpið sem slíkt snýr fremur að hagsmunum foreldra en því að tryggja hagsmuni og réttindi barns, sbr. það sem fram kemur í umsögn Sambands sveitarfélaga, en þar er vísað til afstöðu umboðsmanns barna til málefnisins.

Bæjarráð bendir einnig á það sem fram kemur í umsögn Sambands sveitarfélaga um að áhrif frumvarpsins á fyrirkomulag þjónustu sveitarfélaganna yrðu veruleg og að þau áhrif hafa ekki verið greind eða kostnaðarmetin. Verður að gera þá kröfu til Alþingis að þaðan séu ekki samþykkt lög sem hafi víðtækar afleiðingar fyrir sveitarfélögin án þess að slíkt mat fari fram.

Bæjarráð samþykkir að fela bæjarstjóra að fara yfir sammgönguáætlunina og gera drög að umsögn um hana sem lögð verði fyrir næsta bæjarráðsfund.