Atvinnumálanefnd Fljótsdalshéraðs

Á fundinn undir þessum lið, mætti Björn Ingimarsson, bæjarstjóri og gerði grein fyrir samstarfsverkefni Fjarðabyggðar og Fljótsdalshéraðs sem miðar að því að sveitarfélögin séu þjónustusvæði vegna olíuleitar á Drekasvæðinu.

Fyrir liggur bréf frá Húsi handanna, undirritað af Láru Vilbergsdóttur, til Atvinnumálasjóðs Fljótsdalshéraðs með beiðni um kaup á hlutafé í félaginu til uppbyggingar sölumiðstöðvar Húss handanna á Egilsstöðum.
Málið áður á dagskrá atvinnumálanefndar 7. janúar og 11. febrúar 2013.

Eftirfarandi bókað:

Nefndin telur mikilvægt að Hús handanna styðji við listsköpun, handverk og hönnun á svæðinu.

Atvinnumálanefnd leggur til við bæjarráð að það skoði aðkomu að Húsi handanna með allt að 1.5 milljóna framlagi að uppfylltum eftirfarandi skilyrðum:

• Að fjármögnun fyrirtækisins verði lokið í samræmi við fyrirliggjandi áætlun eigi síðar en 31. maí 2013.
• Rekstrarfyrirkomulag fyrirtækisins liggi betur fyrir.
• Að húsnæðismál fyrirtækisins skýrist.

Samþykkt samhljóða með handauppréttingu.

Atvinnumálanefnd samþykkir að atvinnumálasjóður standi straum að kynningarefni um kosti sveitarfélagsins til atvinnusköpunar og fjárfestingar. Jafnframt felur atvinnumálanefnd starfsmanni að auglýsa eftir umsóknum í sjóðinn með umsóknarfresti til 5. apríl 2013.

Samþykkt með samhljóða með handauppréttingu.

Fyrir liggur umsókn í Atvinnumálasjóð Fljótsdalshéraðs, frá Borgþóri Jónssyni og Kristjáni Má Magnússyni, vegna vinnu við frumathugun á arðsemi þess að nýta sérhæfðar vélar til fellingar skóga.

Málinu vísað til næsta fundar þegar stefnt er að því að fjalla um umsóknir í atvinnumálasjóð.

Fyrir liggur bókun bæjarráðs frá 13. febrúar 2013, sem staðfest var í bæjarstjórn 20. febrúar 2013, svo hljóðandi:
Farið var yfir nýjar hugmyndir að vinnulagi við undirbúning fjárhagaáætlunar, sem fellst í því að hver nefnd fyrir sig fari yfir sínar starfs- og fjárhagaáætlanir og vinna út frá þeim fjárþörf ársins 2014. Þær tölur verði svo hafðar til hliðsjónar við gerð rammaáætlunar sem lögð verði fram í júní, eins og gert hefur verið síðustu ár. Bæjarráð samþykkir með handauppréttingu að fela nefndum sveitarfélagsins framangreinda vinnu og skila áætlunardrögum sínum fyrir 19. apríl n.k.

Gerð viðhalds- og fjárfestingaáætlunar

Bæjarráð samþykkir með handauppréttingu að beina því til allra nefnda sveitarfélagsins að þær leggi fram til bæjarráðs forgangslista yfir 3-5 nýframkvæmdir og stærri viðhaldsverkefni sveitarfélagsins sem eru á þeirra vegum. Miða skal við að listinn berist til bæjarráðs fyrir næstu páska og mun bæjarráð taka ákvörðun um áframhaldandi vinnu við gerð viðhalds- og fjárfestingaáætlunar.

Eftirfarandi bókað:
Formanni og starfsmanni falið að vinna drög að forgangslista yfir nýframkvæmdir og stærri viðhaldsverkefni og senda þau til nefndarmanna. Málið verði tekið til afgreiðslu á næsta fundi nefndarinnar.

Samþykkt samhljóða með handauppréttingu.

Farið yfir niðurstöður vinnustofu um markaðssókn Héraðs, með áherslu á ferðaþjónustu og verslun, sem haldin var 7. mars 2013.

Atvinnumálanefnd felur starfsmanni að fylgja verkefninu eftir og vinna að framgangi þess með hagsmunaaðilum.

Samþykkt samhljóða með handauppréttingu.