Umsóknir í endurmenntunarsjóð 2016

Fram kom í upphafi fundar að fjármagn til ráðstöfunar á fjárhagsáætlun 2016 er 750.000 kr. Óráðstafað fjármagn í sjóðnum um áramót var kr. 25.496.

Stjórn sjóðsins er sammála um að styrkur, sem einstaklingur fékk úthlutað á vorönn 2014, en hefur ekki sótt þar sem ekkert varð af því námi sem fyrirhugað var, verði felldur niður.

Fyrir liggur beiðni frá forstöðumönnum búsetu í Bláargerði, Hamragerði og Miðvangi um að áður veittur styrkur vegna náms- og kynnisferðar starfsmanna, gildi áfram árið 2016, þar sem ekki gafst tækifæri á að fara í umræddar ferðir á síðasta ári.
Stjórn sjóðsins fellst á þessa beiðni og að áður úthlutuð upphæð gildi áfram.


Tekin fyrir styrkumsókn frá Sigurlaugu Jónasdóttur skólastjóra Egilsstaðaskóla vegna námsferðar 33 starfsmanna Egilsstaðaskóla til Helsinki í Finnlandi 21.-22. apríl nk. Ekki hefur áður verið sótt um styrk til sjóðsins fyrir umræddan hóp.

Samþykkt samhljóða að veita umsækjanda ferðastyrk að hámarki kr. 13.000 á þátttakenda, alls kr 429.000. Greiðsla styrks er háð námsframvindu og því að heildarstyrkir séu ekki hærri en heildarkostnaður við námið eða námsferðina. Ljósrit af kostnaðarreikningum og staðfestingu á námsframvindu liggi fyrir við greiðslu styrksins.

Tekin fyrir umsókn um styrk vegna fjarnáms leikskólaliða. Sótt er um styrk vegna námskeiðsgjalda. Umsækjandi er kona og hefur ekki áður sótt um til endurmenntunarsjóðs.

Samþykkt samhljóða að veita umsækjanda styrk að hámarki kr. 35.000 sem nemur námskeiðsgjaldi síðustu námsannar. Greiðsla styrks er háð námsframvindu og því að heildarstyrkir séu ekki hærri en heildarkostnaður við námið. Ljósrit af kostnaðarreikningum og staðfestingu á námsframvindu liggi fyrir við greiðslu styrksins.

Tekin fyrir umsókn, þar sem óskað er eftir styrk vegna náms við Háskólann á Akureyri. Sótt er um styrkinn vegna greiðslu á námskeiðsgjaldi kaupa á námsgögnum, og ferðakostnaði, alls 460.000 kr. að frádregnum fengnum styrkjum. Umsækjandi er kona og hefur ekki áður sótt um styrk úr sjóðnum, sem einstaklingur.

Samþykkt samhljóða að veita umsækjanda styrk að hámarki kr. 60.000, sem nemur um það bil ferðakostnaði við 8 ferðir með strætó milli Egilsstaða og Akureyrar. Greiðsla styrks er háð námsframvindu og því að heildarstyrkir séu ekki hærri en heildarkostnaður við námið. Ljósrit af kostnaðarreikningum og staðfestingu á námsframvindu liggi fyrir við greiðslu styrksins.

Eftirfarandi tillaga lögð fram:
Að tillögu bæjarráðs staðfestir bæjarstjórn afgreiðslu stjórnar endurmenntunarsjóðs og úthlutun styrkja úr sjóðnum.

Samþykkt samhljóða með handauppréttingu.

Tekin fyrir styrkumsókn frá Stefaníu Malen Stefánsdóttur skólastjóra Brúarásskóla vegna námsferðar 11 starfsmanna Brúarásskóla til Helsinki í Finnlandi 21.-22. apríl sl. Ekki hefur áður verið sótt um styrk til sjóðsins fyrir umræddan hóp.

Samþykkt samhljóða að veita umsækjanda ferðastyrk að hámarki kr. 13.000 á þátttakenda, alls kr 143.000. Greiðsla styrks er háð námsframvindu og því að heildarstyrkir séu ekki hærri en heildarkostnaður við námið eða námsferðina. Ljósrit af kostnaðarreikningum og staðfestingu á námsframvindu liggi fyrir við greiðslu styrksins.

Tekin fyrir umsókn um styrk vegna diplómanáms í leikskólakennarafræðum við Háskólann á Akureyri. Sótt er um styrk vegna námskeiðsgjalda, ferðakostnaðar, uppihalds og bókakaupa. Umsækjandi er kona og hefur ekki áður sótt um til endurmenntunarsjóðs.

Samkvæmt skriflegum upplýsingum frá leikskólastjóra, er umsækjandi með samning um afslátt af vinnuskyldu, til samræmis við reglur Fljótsdalshéraðs um sí- og endurmenntun. Samkvæmt núgildandi reglum getur hann ekki jafnframt fengið styrk úr endurmenntunarsjóði.
Umsókninni er því hafnað á þessu stigi, en umsækjanda bent á að senda aftur inn fyllri umsókn á vorönn á nýju umsóknareyðublaði, þar sem til umræðu er að endurskoða reglurnar varðandi þetta ákvæði.


Tekin fyrir umsókn um styrk vegna diplómanáms í sérkennslufræðum við Háskólann á Akureyri. Sótt er um styrk vegna tölvu- og bókakaupa. Umsækjandi sem er kona hefur ekki áður sótt um til endurmenntunarsjóðs.

Samkvæmt skriflegum upplýsingum frá leikskólastjóra, er umsækjandi með samning um afslátt af vinnuskyldu, til samræmis við reglur Fljótsdalshéraðs um sí- og endurmenntun. Samkvæmt núgildandi reglum getur hann ekki jafnframt fengið styrk úr endurmenntunarsjóði.
Umsókninni er því hafnað á þessu stigi, en umsækjanda bent á að senda aftur inn fyllri umsókn á vorönn á nýju umsóknareyðublaði, þar sem til umræðu er að endurskoða reglurnar varðandi þetta ákvæði.

Stefán Bogi Sveinsson vék af fundi við afgreiðslu þessa liðar.

Afgreiðsla stjórnar endurmenntunarsjóðs staðfest.

Afgreiðsla stjórnar endurmenntunarsjóðs staðfest.