Nýtt embætti sýslumannsins á Austurlandi

Lagður fram tölvupóstur frá Lárusi Bjarnasyni sýslumanni á Seyðisfirði til sveitarstjórna á Austurlandi, dags. 3. september 2014, þar sem boðið er upp á kynningarfundi með bæjarráði eða bæjarstjórn vegna fækkunar og stækkunar sýslumannsembætta.

Bæjarráð Fljótsdalshéraðs hefur þegar fundað með sýslumanni og skrifstofustjóra Sýslumannsins á Seyðisfirði og sent Innanríkisráðherra bréf í framhaldi af þeim fundi. Bæjarráð mun fylgjast áfram með framvindu málsins.

Lagt fram til kynningar.

Lagt fram svarbréf innanríkisráðuneytisins, dagsett 8. sept. sl. vegna erindis Fljótsdalshéraðs þar sem m.a. var skorað á ráðuneytið að tryggja eðlilegar fjárveitingar til nýs embættis sýslumanns á Austurlandi.

Bæjarráð þakkar skjót svör, en ítrekar fyrri bókanir um málið.

Lagt fram til kynningar.

Bæjarráð lýsir yfir áhyggjum af því að verið sé að boða niðurskurð í starfssemi sýslumannsembættisins á Austurlandi, á meðan embættið nær ekki að sinna ásættanlegri þjónustu, til að mynda á skrifstofunni á Egilsstöðum.
Bæjarráð felur bæjarstjóra að taka málið upp við Dómsmálaráðuneytið og þingmenn Norð-Austur kjördæmis.

Bæjarráð hefur ítrekað komið á framfæri ábendinum um þjónustu sýslumannsembættisins á Egilsstöðum, bæði við Sýslumann og embættismenn dómsmálaráðuneytisins. Erindið gefur tilefni til að ítreka þær ábendingar og er bæjarstjóra falið að fylgja málinu eftir.