Skólaakstur 2014-2015

Tvö hliðstæð erindi lágu fyrir fundinum þar sem leitað er eftir skólaakstri fyrir nemendur með búsetu í skólahverfi Egilsstaðaskóla/Hallormsstaðaskóla sem stunda nám í Fellaskóla. Málið rætt - endanlegri afgreiðslu frestað til næsta fundar.

Í vinnslu.

Farið yfir fyrirliggjandi beiðnir um skólaakstur úr Skriðdal og Eiðaþinghá í Fellaskóla. Vegna sérstakra aðstæðna á nýbyrjuðu skólaári samþykkir fræðslunefnd að verða við fyrirliggjandi beiðnum þó þannig að foreldrar greiði almenningssamgöngugjald milli Egilsstaða og Fellabæjar. Ákvörðun þessi verði endurskoðuð fyrir lok skólaársins. Samþykkt samhljóða með handauppréttingu.

Á fundi fræðslunefndar var farið yfir fyrirliggjandi beiðnir um skólaakstur úr Skriðdal og Eiðaþinghá í Fellaskóla.

Eftirfarandi tillaga lögð fram:
Bæjarstjórn felur fræðslufulltrúa að reikna út kostnað við þær útfærslur á skólaakstri sem ræddar voru á fundi fræðslunefndar og leggja fyrir bæjarráð. Málinu að öðru leyti vísað til gerðar fjárhagsáætlunar 2015.

Samþykkt samhljóða með handauppréttingu.

Vísað er til óska sem borist hafa frá foreldum í Skriðdal og á Eiðum um skólaakstur í Fellaskóla og afgreiðslu fræðslunefndar á málinu.

Bæjarráð samþykkir að fela fræðslufulltrúa að ganga frá málinu og koma því til framkvæmda.

Afgreiðsla bæjarráðs staðfest.