Íþrótta- og tómstundanefnd

Fyrir liggja hugmyndir þess efnis að Frístund, sem hingað til hefur verið rekin í Egilsstaðaskóla, hafi aðstöðu að hluta til í Nýung veturinn 2019-2020.

Íþrótta- og tómstundanefnd leggur til að haft verði samráð við ungmennaráð og félagsmiðstöðvarráð varðandi málið og skoðanir notenda félagsmiðstöðvarinnar Nýungar hafðar að leiðarljósi.

Ef af verður þarf að vera fullvissa um að starfsemi Nýungar skerðist ekki.

Samþykkt samhljóða með handauppréttingu.

Fyrir liggja drög að fjárhagsáætlun fyrir 2020 ásamt gögnum frá forstöðumönnum sem heyra undir íþrótta- og tómstundanefnd.

Íþrótta- og tómstundanefnd samþykkir fyrir sitt leyti meðfylgjandi tillögu að fjárhagsáætlun fyrir 2020 og vísar henni til bæjarstjórnar.

Samþykkt samhljóða með handauppréttingu.

Fyrir liggur samþykkt starfsáætlun íþrótta- og tómstundanefndar fyrir árið 2019.

Áætlunin rædd og yfirfarin.

Fyrir liggja hugmyndir að skiltum til að koma upp við íþróttamannvirki á Fljótsdalshéraði.

Íþrótta- og tómstundanefnd felur starfsmanni að klára að vinna og koma upp skiltum við íþróttamannvirki og á íþróttasvæðum í sveitarfélaginu í samvinnu við forstöðufólk og áhaldahús. Um er að ræða Vilhjálmsvöll og vallarhús, Fellavöll og vallarhús, íþróttahúsið í Fellabæ, Íþróttamiðstöðina á Egilsstöðum, sparkvelli í eigu Fljótsdalshéraðs og útikörfuboltavöll.

Samþykkt samhljóða með handauppréttingu.

Fyrir liggja umsóknir um styrki íþrótta- og tómstundanefndar sem auglýstir voru til umsóknar í mars með umsóknarfresti til og með 15. apríl 2019.

Alls bárust fimm umsóknir um styrki.

Íþrótta- og tómstundanefnd leggur til að eftirfarandi verkefni verði styrkt:
- Sumarnámskeið félagsmiðstöðvarinnar Nýungar, kr. 200.000
- Forvarnadagur á Héraði, umsækjandi félagsmiðstöðin Nýung, kr. 250.000
- Æskulýðsstarf Freyfaxa, umsækjandi Ellen Thamdrup, kr. 200.000
- Götuhjólreiðar, umsækjandi Umf. Þristur, kr. 200.000
- Styrkur til IronMan keppanda Fljótsdalshéraðs, umsækjandi Svanhvít Antonsdóttir, kr.30.000

Samþykkt samhljóða með handauppréttingu.

Fyrir liggur kynning á ráðstefnunni Ungt fólk og lýðræði sem haldin var í Borgarnesi 10.-12. apríl 2019. Ráðstefnuna sóttu tveir fulltrúar ungmennaráðs Fljótsdalshéraðs.

Fyrir liggur til kynningar fundargerð vallaráðs frá 28. mars 2019.

Fyrir liggur endurskoðun reglna um hreyfi- og heilsueflingarstyrki fyrir starfsfólk Fljótsdalshéraðs.

Íþrótta- og tómstundanefnd leggur til að reglurnar verði útvíkkaðar frá byrjun árs 2020 að styrkurinn gildi einnig til kaupa á tækjum og búnaði, gegn framvísun kvittunar.

Að öðru leyti verði reglurnar óbreyttar.

Samþykkt samhljóða með handauppréttingu.

Fyrir liggur til kynningar eftirlitsskýrsla HAUST fyrir félagsmiðstöðina Nýung.

Fyrir liggja til kynningar úttektir á brunaviðvörunar- og öryggiskerfum félagsmiðstöðvarinnar Nýungar.

Fyrir liggja til kynningar úttektir á brunaviðvörunar- og öryggiskerfum Hettunnar, vallarhúss.

Fyrir liggur tölvupóstur frá Magnúsi Ver Magnússyni þar sem óskað er eftir styrk til að halda keppnina Austfjarðatröllið árið 2019.

Íþrótta- og tómstundanefnd hafnar beiðninni og bendir á að úthlutun styrkja nefndarinnar fer fram í apríl og október í gegnum heimasíðu sveitarfélagsins. Hvetur nefndin umsækjanda til að sækja um aftur í haust.

Samþykkt samhljóða með handauppréttingu.