Fræðslunefnd Fljótsdalshéraðs

Guðmunda Vala Jónasdóttir, skólastjóri Hádegishöfða, fylgdi eftir tillögu sinni að fjárhagsáætlun fyrir árið 2016. Formaður kynnti erindi frá foreldraráði Hádegishöfða þar sem farið er fram á aukið fjármagn til aksturs á viðburði á Egilsstöðum. Málið verður tekið til afgreiðslu með endanlegri afgreiðslu áætlunarinnar sem fer fram með heildarafgreiðslu fræðslusviðs. Guðmunda Vala vakti athygli á að fjármagn til símenntunar samkvæmt símenntunaráætlun skólanna er mjög takmarkað og upphæðin hefur ekki verið endurskoðuð um langt skeið.

Samþykkt samhljóða með handauppréttingu.

Sigríður Herdís Pálsdóttir, skólastjóri, fór yfir tillögu að áætlun Tjarnarskógar 2016. Hún skýrði hækkun launaliðar frá því í vor með auknu hlutfalli fagmenntaðs starfsfólks og leiðréttingu á starfsmati almennra starfsmanna. Sigríður Herdís tók undir áréttingu Guðmundu Völu um nauðsyn þess að hækka framlag til símenntunar starfsfólks. Áætluninni vísað til heildarafgreiðslu fræðslusviðs.

Samþykkt samhljóða með handauppréttingu.

Sigríður Herdís Pálsdóttir kynnti stuttlega framlögð gögn og sagði frá kynningu á skólanámskránni fyrir foreldra. Læsisstefnan dregin sérstaklega fram og er framlag Tjarnarskógar til sameiginlegrar læsisstefnu.

Skólanámskrá Tjarnarskógar og starfsáætlun skólans 2015-2016 samþykkt samhljóða með handauppréttingu.

Niðurstöður sumarleyfiskönnunar koma til afgreiðslu á fundi fræðslunefndar þegar þær liggja fyrir.

Erindi varðandi systkinaafslátt verður tekið til afgreiðslu með afgreiðslu fjárhagsáætlunar fræðslusviðs.

Samþykkt samhljóða með handauppréttingu.

Í vinnslu.

Málinu frestað.

Lagt fram til kynningar.

Daníel Arason fylgdi drögum sínum að fjárhagsáætlun Tónlistarskólans á Egilsstöðum fyrir 2016 eftir. Hann lagði áherslu á að á undanförnum þremur árum hefur starfsemi skólans verið í vexti og að það væri miður ef ekki væri hægt að tryggja a.m.k. óbreytta stöðu hvað það varðar. Áætlunin verður afgreidd með heildaráætlun fræðslusviðs.

Samþykkt samhljóða með handauppréttingu.

Jón Arngrímsson kynnti forsendur fyrir framlagðri áætlun skólans fyrir árið 2016. Hann benti á að áætlunin er knöpp bæði hvað varðar launalið og annan rekstrarkostnað. Nemendum hefur fjölgað og því má gera ráð fyrir heldur hærri tekjulið en í framlagðri áætlun. Áætlunin verður afgreidd með heildaráætlun fræðslusviðs.

Samþykkt samhljóða með handauppréttingu.

Drífa Sigurðardóttir kynnti forsendur framlagðrar áætlunar fyrir Tónlistarskólann í Fellabæ fyrir 2016. Hún ítrekaði þá óvissu sem fylgir því að kjarasamningar tónlistarkennara eru lausir nú í haust. Fram kom að lítils háttar biðlisti er við skólann og Drífa telur æskilegt að geta bætt við hluta úr stöðugildi til að geta tekið inn þá nemendur sem eru á biðlista. Sú viðbót er ekki á framlagðri áætlun fyrir 2016. Áætlunin verður afgreidd með heildaráætlun fræðslusviðs.

Samþykkt samhljóða með handauppréttingu.