Fræðslunefnd Fljótsdalshéraðs

Sigríður Herdís Pálsdóttir, kynnti erindið sem varðar breyttar forsendur vegna launaþáttar í fjárhagsáætlun 2018. Fræðslunefnd óskar eftir að aukin fjárþörf ársins vegna þessa verði reiknuð út og kynnt fyrir nefndinni á næsta fundi þar sem málefni leikskólanna eru til umfjöllunar.

Samþykkt samhljóða með handauppréttingu.

Jafnframt kynnti hún það fyrirkomulag sem viðhaft var í sumar vegna elsta árgangsins til að hægt væri að bregðast við með aðlögun nýrra leikskólabarna, en leikskólinn fékk inni í grunnskólanum fyrir þau. Hún leggur til að framvegis verði svipað fyrirkomulag en verði þá í raun um að ræða starfsemi á hendi Frístundar grunnskólans.

Málið verður kynnt fyrir grunnskólanum og tekið fyrir aftur í nefndinni að því loknu.

Samþykkt samhljóða með handauppréttingu.

Fræðslunefnd felur fræðslustjóra og leikskólastjórum að leggja fyrir könnun meðal foreldra varðandi skipulag sumarlokunar leikskólanna svo hægt sé að kynna lokunina næstu 3 árin.

Samþykkt samhljóða með handaupréttingu.

Skólastjórnendur kynntu stöðuna í skólunum. Í leikskólanum Tjarnarskógi eru 23 tvítyngd börn frá 12 löndum og 6 tvítyngd börn eru á leikskólanum Hádegishöfða. Stuðningur við tvítyngd börn er fyrst og fremst í formi aukinnar málörvunar. Þegar þörf er á eru þess gætt að kalla til túlkaþjónustu fyrir erlenda foreldra.

Í tónlistarskólunum eru þau tvítyngdu börn sem innrituð eru í skólann íslenskumælandi og þess er gætt að mikilvægar tilkynningar til erlendra foreldra séu sendar á ensku ef þess er þörf.

Lagt fram til kynningar.

Fræðslunefnd samþykkir fyrir sitt leyti skóladagatal Tónlistarskólans á Egilsstöðum 2018-2019.

Samþykkt samhljóða með handauppréttingu.

Sóley Þrastardóttir, skólastjóri Tónlistarskólans á Egilsstöðum, kynnti húsnæðismál skólans sem hún telur í ólestri og hugmynd að lausn.

Lagt fram til kynningar.

Lagt fram til kynningar.

Fræðslunefnd samþykkir fyrir sitt leyti skóladagatal Tónlistarskólans í Fellabæ 2018-2019.

Samþykkt samhljóða með handauppréttingu.

Aðalfundur SSA 2018 ályktar um nauðsyn þess að styrkja stoðþjónustu við leik- og grunnskóla.

Fræðslunefnd tekur undir þessa niðurstöðu enda er hún í samræmi við samtal nefndarmanna við skólastjórnendur. Nefndin óskar eftir að fræðslustjóri leiði vinnu við kortlagningu á þörf stofnana sveitarfélagsins fyrir úrræði í samstarfi við skólastjórnendur.

Samþykkt samhljóða.

Til kynningar.