Bæjarráð Fljótsdalshéraðs

Guðlaugur Sæbjörnsson fjármálastjóri sat fundinn undir þessum lið og fór yfir nokkur mál tengd rekstri sveitarfélagsins.

Björn Ingimarsson bæjarstjóri kynnti erindi frá Hilmari Gunnlaugssyni fasteignasala, þar sem koma fram athugasemdir frá kaupanda barnaskólans á Hallormsstað vegna meintra galla á eigninni og tillögur að lausn málsins. Bæjarráð ítrekar þá afstöðu sem kynnt var með bréfi 14. júní 2016, þar sem bótaskyldu er hafnað.
Bæjarstjóra falið að fara nánar yfir þær tillögur sem fram koma í bréfinu, í samráði við hlutaðeigandi aðila.

Björn Ingimarsson bæjarstjóri fór yfir hugmyndir sem ræddar hafa verið í starfshópi um almenningssamgöngur og kynnti bæjarráði.
Bæjarráð samþykkir að vísa málinu til umsagnar til umhverfis- og framkvæmdanefndar, áður en málið verður afgreitt í bæjarráði.

Lagt fram erindi frá Sambandi sveitarfélaga á Austurlandi, dagsett 29. mars 2017 um möguleika á gerð sameiginlegrar húsnæðisáætlunar fyrir Austurland.
Bæjarráð telur að slík samvinna væri æskileg, tekur jákvætt í málið og telur tækifæri liggja í sameiginlegri húsnæðisáætlun fyrir Austurland.

Lögð fram beiðni um tilnefningar vegna stjórnarkjörs á ársfundi Austurbrúar ses.
Bæjarráð Fljótsdalshéraðs mun ekki tilnefna fulltrúa af vettvangi atvinnulífs, menningar og menntunar.

Lögð fram drög að samningi um virkjun Geitdalsár, milli leyfishafa núgildandi rannsóknarleyfis og viðkomandi landeigenda.

Bæjarráð felur bæjarstjóra að halda áfram viðræðum við handhafa rannsóknarleyfis um mögulega gerð nýtingarsamnings vegna virkjunar Geitdalsár, á grundvelli þeirra athugasemda sem lögmaður sveitarfélagins hefur gert við samningsdrögin.

Bæjarráð leggur til við bæjarstjórn að sumarlokun bæjarskrifstofu Fljótsdalshéraðs verði með sama móti og undanfarin ár. Að þessu sinni verði lokunin frá og með 24 júlí til og með 4. ágúst.

Lagt fram til umsagnar frumvarp til laga um tekjustofna sveitarfélaga(sérstakt framlag úr Jöfnunarsjóði)
Bæjarráð gerir ekki athugasemd við frumvarpsdrögin.