Ungmennaráð Fljótsdalshéraðs

Umræða um dagvistunarmál á Fljótsdalshéraði. Fundarmenn sammála um nauðsyn þess að öll börn eigi kost á dagvistun.

Rætt um nauðsyn þess að boðið sé upp á viðeigandi geðheilbrigðisþjónustu á svæðinu. Ungmennaráð leggur áherslu á að bæjarstjórn beiti sér fyrir eflingu geðheilbrigðisþjónustu á svæðinu. Ungmennaráð vekur athygli á verkefni sem unnið er í Menntaskóla Borgarfjarðar í samvinnu við Stéttarfélag Vesturlands og veltir upp hvort möguleiki er á svipuðu samstarfi á Fljótsdalshéraði.

Ungmennaráð beinir því til íþrótta- og tómstundanefndar að endurskoða gjaldskrá íþróttamiðstöðvar með tilliti til afsláttar fyrir ungmenni. Þá óskar ungmennaráð eftir aðkomu að vinnu við endurskoðun.

Fram kom í máli bæjarfulltrúa að sveitarfélagið verði plastpokalaust frá byrjun árs 2018.
Ungmennaráð ítrekar óskir sínar um aðkomu að verkefninu.