Ungmennaráð Fljótsdalshéraðs

Fyrir liggja upplýsingar um ráðstefnuna Ungt fólk og lýðræði sem haldin verður á Laugarvatni í apríl 2020.

Ungmennaráð leggur til að fulltrúar ráðsins sæki ráðstefnuna.

Samþykkt samhljóða með handauppréttingu.

Fyrir liggja upplýsingar um samfélagsverkefni á vegum Erasmus samtakanna.

Ungmennaráð hvetur fólk sem hefur náð tilskyldum aldri eindregið til að nýta sér styrkinn til að hafa jákvæð áhrif á nærsamfélagið.

Samþykkt samhljóða með handauppréttingu.

Undir þessum lið mætti Gunnlaugur Rúnar Sigurðsson, skipulags- og byggingarfulltrúi, og svaraði spurningum ungmennaráðsmeðlima.

Þakkar ungmennaráð Gunnlaugi Rúnari kærlega fyrir komuna og greinargóð svör.

Samþykkt samhljóða með handauppréttingu.

Undir þessum lið mætti Helga Guðmundsdóttir, fræðslustjóri, og svaraði spurningum ungmennaráðsmeðlima.

Þakkar ungmennaráð Helgu kærlega fyrir komuna og greinargóð svör.

Samþykkt samhljóða með handauppréttingu.

Fyrir liggja upplýsingar og umræður um sveitarstjórnarkosningar sem fram fara 18. apríl næstkomandi.

Ungmennaráð Fljótsdalshéraðs beinir því til þeirra framboða sem hyggjast bjóða fram í sveitarstórnarkosningum fyrir nýtt sveitarfélag að hafa samráð við ungt fólk í öllum byggðakjörnum og minnir á að skoðanir ungmenna undir kosningaaldri skipta líka máli.

Samþykkt samhljóða með handauppréttingu.

Ungmennaráð Fljótsdalshéraðs þakkar þeim sem mættu á Milljarður rís þann 14. febrúar síðastliðinn, þar sem dansað var gegn kynbundnu ofbeldi.

Ungmennaráð leggur til að unnið verði að því að þróa viðburðinn áfram og þá í samstarfi við fleiri aðila.

Samþykkt samhljóða með handauppréttingu.

Fyrir liggur umræða um styrkbeiðni til Alcoa vegna tíðavara í grunn- og framhaldsskóla.

Ungmennaráð felur starfsmanni ráðsins að vinna málið áfram og leita styrkja til að hægt verði að framkvæma verkefnið sem fyrst.

Samþykkt samhljóða með handauppréttingu.

Fyrir liggja til kynningar fundargerðir og önnur skjöl frá vinnu starfshóps um grænfána félagsmiðstöð.