Ungmennaráð Fljótsdalshéraðs

Gengið var til kosningar formanns og gáfu Einar Freyr Guðmundsson og Kristbjörg Mekkín Helgadóttir kost á sér til starfsins.

Í embætti varaformanns gáfu Elísabeth Anna Gunnarsdóttir og Valþór Gauti Þórhallsson kost á sér.

Kosið var og hlutu kosningu Einar Freyr og Elísabeth Anna.

Formaður Ungmennaráðs fór yfir hlutverk ráðsins skv. samþykktum Ungmennaráðs.

Starfsmaður Ungmennaráðs fór yfir samþykktir fyrir ungmennaráð Fljótsdalshéraðs.

Ungmennaráð ræddi málefni og viðburði sem þau hafa áhuga á að vinna að og hafa áhrif á í vetur. Ráðið ræddi m.a. vinnu við starfsáætlun.

Ungmennaráð Fljótsdalshéraðs samþykkir fastan fundartíma ráðsins fyrsta fimmtudag í hverjum mánuði kl.16:30.

Samþykkt samhljóða með handauppréttingu.

Fyrir liggur fjárhagsáætlun fyrir Ungmennaráð Fljótsdalshérað fyrir árið 2020.

Ungmennaráð samþykkir fyrir sitt leyti fyrirliggjandi áætlun.

Samþykkt samhljóða með handauppréttingu.

Fyrir liggur tölvupóstur varðandi Skólaþing sveitarfélaga.

Ungmennaráð felur starfsmanni að skila svörum við spurningum til viðeigandi aðila.

Guðrún Lára Einarsdóttir og Unnar Aðalsteinsson verða fulltrúar Ungmennaráðs á Skólaþingi sveitarfélaga.

Samþykkt samhljóða með handauppréttingu.

Umræða um skapandi sumarstörf, Orðið er LAust, samstarfsverkefni Fljótsdalshéraðs og Fjarðabyggðar sumarið 2019.

Ungmennaráð Fljótsdalshéraðs leggur til að Fljótsdalshérað haldi áfram að bjóða upp á skapandi sumarstörf enda mikilvægt fyrir ungt fólk að hafa þennan vettvang. Eins lífgar verkefnið upp á sveitarfélagið.

Samþykkt samhljóða með handauppréttingu.

Fyrir liggja upplýsingar um sameiningarmál sveitarfélaga á Austurlandi.

Ungmennaráð Fljótsdalshéraðs hvetur ungt fólk á Fljótsdalshéraði til þess að kynna sér málið, mæta á kynningarfund um sameiningu þann 7. október næstkomandi og hvetur kjörgengt ungt fólk til að mæta á kjörstað og nýta atkvæðisrétt sinn. Málið varðar framtíð ungs fólks á svæðinu og mikilvægt að rödd þess heyrist.

Samþykkt samhljóða með handauppréttingu.

Fyrir liggja hugmyndir að samstarfi ungmennaráðs og félagsmiðstöðva á Fljótsdalshéraði.

Ungmennaráð felur starfsmanni að vinna málið áfram.

Samþykkt samhljóða með handauppréttingu.