Leiga á Hlymsdölum.

Erindi Svövu Þóreyjar Einarsdóttur og Helga Kristinssonar vegna útleigu á Hlymsdölum tekið fyrir og staðfest að áður útgefinn reikningur vegna leigu á Hlymsdölum er í samræmi við útleigutíma og gildandi gjaldskrá. Nefndin sér sér ekki fært að verða við erindinu hvað varðar lækkun á áðurnefndum reikningi. Áhersla er lögð á að farið skuli eftir samþykktum útleigureglum og þykir nefndinni miður ef á því hefur orðið misbrestur. Nefndin þakkar bréfriturum erindið og felur félagsmálastjóra að skoða verkferla varðandi útleigu og gjaldtöku í Hlymsdölum.

Afgreiðsla félagsmálanefndar staðfest. Vísast að öðru leyti til liðar 13.

Fyrir fundinum lá erindi leigutaka að Hlymsdölum, þar sem athugasemd er gerð við leigufjárhæð.
Bæjarráð felur bæjarstjóra í samráði við félagsmálastjóra að kanna málið frekar fyrir næsta fund bæjarráðs.

Erindið var áður á dagskrá 238. fundar bæjarráðs.
Bæjarstjóri hefur fengið afrit að öllum reikningum og leigusamningum ársins vegna Hlymsdala og borið þá saman. Þar er í öllum tilfellum verið að innheimta miðað við gjaldskrá og tímalengd viðkomandi samninga.

Eftirfarandi tillaga lögð fram:
Bæjarráð sér ekki annað en að reikningur vegna viðkomandi samnings sé í fullu samræmi við reglur og undirritaðan samning milli aðila.
Bæjarráð telur því ekki forsendur til að lækka áður útsendan reikning.

Samþykkt samhljóða með handauppréttingu.

Afgreiðsla bæjarráðs staðfest.

Ítrekun á fyrra erindi, sem borið var upp í viðtalstíma bæjarfulltrúa nýlega.

Bæjarráð sér ekki tilefni til að breyta fyrri afgreiðslu sinni.

Afgreiðsla bæjarráðs staðfest.