Íþrótta- og tómstundanefnd

Á fundinn undir þessum lið mætti Adda Steina Haraldsdóttir, tómstunda- og forvarnafulltrúi. Hún fór yfir þau verkefni sem hún hefur verið að vinna að síðan hún tók við starfi tómstunda- og forvarnafulltrúa.
Henni þökkuð síðan koman og greinargóðar upplýsingar.

Málinu frestað til næsta fundar.

Lögð fram hugmynd af vefsvæðinu Betra Fljótsdalshérað, um að íþróttamiðstöðin á Egilsstöðum opni kl. 6.00 á morgnana.

Íþrótta- og tómstundanefnd er sammála því að æskilegt er að lengja opnunartíma íþróttamiðstöðvarinnar. Kostnaður við það að opna hana kl. 6.00 á morgnana í stað 6.30 er áætlaður 6-700.000 á ári. Nefndin hyggst taka málið upp í samstarfi við forstöðumann íþróttamiðstöðvarinnar þegar líður á árið og frekar liggur fyrir með rekstrarstöðu miðstövarinnar. Málið verður jafnframt tekið upp í tengslum við gerð fjárhagsáætlunar fyrir 2016.

Samþykkt samhljóða með handauppréttingu.

Fyrir liggur beiðni frá Karen Erlu Erlingsdóttur, forstöðumanni Íþróttamiðstöðvar Fljótsdalshéraðs, þar sem óskað er eftir að færa skrifstofu forstöðumanns á annan stað í Íþróttamiðstöðinni á Egilsstöðum.

Íþrótta- og tómstundanefnd gerir ekki athugasemd við það, fyrir sitt leyti, að skrifstofa forstöðumannsins sé færð í annað rými í íþróttamiðstöðinni.

Samþykkt samhljóða með handauppréttingu.

Fyrir liggur tölvupóstur frá Magnúsi Ver Magnússyni, dagsettur 23. febrúar 2015, þar sem óskað er eftir styrk til að halda Austfjarðatröllið og Valkyrjur Íslands 2015.

Íþrótta- og tómstundanefnd leggur til að Austfjarðatröllið verði styrkt um kr. 50.000 enda er þá gert ráð fyrir að hluti keppninnar fari fram í sveitarfélaginu. Fjármunirnir verði teknir af lið 06.89.

Samþykkt samhljóða með handauppréttingu.

Fyrir liggur tölvupóstur frá Magnúsi Baldri Kristjánssyni, formanni Skíðafélgsins í Stafdal, dagsettur 20. febrúar 2015, þar sem óskað er eftir að afreksiðkendur félagsins fái gjaldfrjáls afnot af Héraðsþreki.

Íþrótta- og tómstundanefnd leggur til að gerður verði sambærilegur samningur við skíðafélagið og gerður hefur verið við Hött og Þristinn.

Gert er ráð fyrir að verklagsreglur þær sem gerðar voru á síðasta ári vegna gjaldfrjálsra afnota afreksfólks að Héraðsþreki og sundlaug verði teknar til endurskoðunar í haust á þessu ári. Miðað verði við að nýjar reglur taki þá með sambærilegum hætti yfir fleiri íþróttafélög á Fljótsdalshéraði.

Samþykkt samhljóða með handauppréttingu.

Fyrir liggur frá Undirbúningshópi um Tour de Ormurinn, undirrituð af Hildi Bergsdóttur og Söndru Maríu Ásgeirsdóttur, beiðni um áframhaldandi aðkomu sveitarfélagsins að hjólreiðakeppninni.

Íþrótta- og tómstundanefnd leggur til að verkefnið verði styrkt um kr. 100.000 sem verði tekið af lið 06.89.

Samþykkt samhljóða með handauppréttingu.