Fræðslunefnd Fljótsdalshéraðs

Drífa Sigurðardóttir kynnti tillögu að skóladagatali Tónlistarskólans í Fellabæ 2019-2020. Skóladagatalið er unnið í samræmi við skóladagatal Fellaskóla í ljósi þeirra samninga sem um tónlistarskólastarf gilda. Fræðslunefnd samþykkir fyrir sitt leyti fyrirliggjandi drög.

Samþykkt samhljóða með handauppréttingu.

Sóley Þrastardóttir kynnti tillögu að skóladagatali Tónlistarskólans á Egilsstöðum 2019-2020. Skóladagatalið er unnið í samræmi við skóladagatal Egilsstaðaskóla í ljósi þeirra samninga sem um tónlistarskólastarf gilda. Fræðslunefnd samþykkir fyrir sitt leyti fyrirliggjandi drög.

Samþykkt samhljóða með handauppréttingu.

Stefanía Malen Stefánsdóttir kynnti fundargerð skólaráðs Brúarásskóla frá 5. júní sl.

Lagt fram til kynningar.

Stefanía Malen Stefánsdóttir fór yfir stöðu viðhaldsaðgerða í Brúarásskóla og nauðsynlegustu verkefni.

Fræðslunefnd kallar eftir yfirliti yfir forgangsröðun viðhaldsverkefna í húsnæði stofnana á fræðslusviði frá yfirmanni eignasjóðs.

Fræðslustjóra falið að fara yfir viðhaldsverkefni með yfirmanni eignasjóðs í samræmi við fyrirmæli á fundinum.

Samþykkt samhljóða með handauppréttingu.

Fræðslunefnd fer þess á leit við grunnskólastjórnendur að þeir skoði frekari möguleika á samstarfi skólanna með það að markmiði að nýta sem best aðstöðu í skólunum í þágu allra grunnskólanemenda í sveitarfélaginu. Kallaðir verði til þeir aðilar skólasamfélagsins sem málin kunna að varða.

Fræðslustjóra falið að leiða starf hópsins.

Fræðslunefnd óskar eftir að tillögur frá hópnum verði kynntar fyrir nefndinni fyrir lok haustannar 2019.

Samþykkt samhljóða með handauppréttingu.

Formanni og fræðslustjóra falið að vinna að framgangi málsins í samræmi við umræðu á fundinum.

Sigríður Herdís Pálsdóttir, skólastjóri í Tjarnarskógi mætti á fundinn undir þessum lið og bar upp erindi varðandi aðstöðu fyrir elstu nemendur í leikskólanum að lokinni sumarlokun. Hún óskar eftir að Frístund við Egilsstaðaskóla taki við þessum nemendum. Fræðslunefnd felur fræðslustjóra og skólastjórnendum að leita leiða til að finna lausn á málinu.

Samþykkt samhljóða með handauppréttingu.

Til kynningar.