Bæjarráð Fljótsdalshéraðs

Guðlaugur Sæbjörnsson fjármálastjóri fór yfir nokkra liði tengda fjármálum og rekstri ársins.

Bæjarráð fór yfir gjaldskrár fyrir útleigu á fasteignum í eigu Fljótsdalshéraðs og beinir því til húsráða og nefnda að uppfæra gjaldkrár til samræmis við hækkanir á þjónustu sveitarfélagsins sem er almennt 3%.

Bæjarstjóri ræddi félagið Sláturhúsið, menningarsetur og möguleika á því að færa niður hlutaféð og kröfur atvinnumálasjóðs á móti. Bæjarstjóra og fjármálastjóra falið að vinna áfram að málinu.

Fundargerðin lögð fram til kynningar.

Bæjarráð samþykkir að veita bæjarstjóra umboð til að hefja viðræður við leyfishafa rannsóknarleyfisins, varðandi heimild til virkjunar Geitdalsár.

Farið yfir frumdrög að reglum fyrir Fljótsdalshérað. Bæjarstjóra og skrifstofustjóra falið að fara betur yfir drögin og leggja þau síðan fyrir næsta fund bæjarráðs.