Guðlaugur Sæbjörnsson, fjármálastjóri sat fundinn undir þessum lið og fór yfir ýmis fjármálatengd mál úr rekstri sveitarfélagsins.
Björn Ingimarsson kynnti og lagði fram tilboð stjórnar Búnaðarfélags Eiðaþinghár og stjórnar Kvenfélags Eiðaþinghár í húsnæði barna- og leikskólans á Eiðum, ásamt búnaði, upp á kr. 23 milljónir. Jafnframt er í tilboðinu óskað eftir afnotum af gamla íþróttavelli ÚÍA á Eiðum, gegn hirðingu hans. Fyrirhuguð er starfsemi tengd ferðaþjónustu í hluta húsanna og einnig er húsnæðið hugsað sem félagsaðstaða fyrir nærsamfélagið. Tilboðið kemur í framhaldi af öðru tilboði sömu aðila sem barst sveitarfélaginu 11. janúar og var þá fært í trúnaðarmálabók.
Á grundvelli samþykktar bæjarstjórnar frá 20.06.2012 um málefni félagsheimila, er bæjarstjóra falið að ganga til viðræðna við tilboðsgjafa um möguleg kaup á húsnæðinu og afnot af landspildu, en bæjarráð mun að öðru leyti ekki taka afstöðu til tilboðsins að svo komnu máli.
2.Fundargerð 200.fundar stjórnar Hitaveitu Egilsstaða og Fella
Björg Björnsdóttir verkefnastjóri sveitarstjórnarmála hjá Austurbrú mætti á fundinn og fór fyrst yfir fund sem hún sat í Innanríkisráðuneytinu fh. SSA, en til hans var boðað af starfshópnum Ísland ljóstengt. Einnig kynnti hún fyrirhugaðan fund á vegum SSA um mögulegt fyrirkomulag þessara mála á Austurlandi. Bæjarstjóri mun mæta á þann fund f.h. sveitarfélagsins.
Einnig fór hún yfir hugmyndir um endurskipulagningu á almenningssamgöngum á Austurlandi og hugmyndir um að stofnun starfshóps, sem færi í að skoða þessi mál og vinna upp tillögur þar að lútandi fyrir sumarið, sem yrðu svo teknar fyrir á aðalfund SSA í haust.
Stefán Bogi Sveinsson fór af fundi kl. 11:00.
kl. 11:00 kom Kristín Albertsdóttir framkvæmdastjóri HSA til fundar við bæjarráð til að fara yfir ýmis sameiginleg mál HSA og sveitarfélagsins.
Stefnt er að þvi að halda opinn borgarafund á vegum sveitarfélagsins með fulltrúum frá HSA á komandi vori.
Björn Ingimarsson kynnti og lagði fram tilboð stjórnar Búnaðarfélags Eiðaþinghár og stjórnar Kvenfélags Eiðaþinghár í húsnæði barna- og leikskólans á Eiðum, ásamt búnaði, upp á kr. 23 milljónir. Jafnframt er í tilboðinu óskað eftir afnotum af gamla íþróttavelli ÚÍA á Eiðum, gegn hirðingu hans. Fyrirhuguð er starfsemi tengd ferðaþjónustu í hluta húsanna og einnig er húsnæðið hugsað sem félagsaðstaða fyrir nærsamfélagið.
Tilboðið kemur í framhaldi af öðru tilboði sömu aðila sem barst sveitarfélaginu 11. janúar og var þá fært í trúnaðarmálabók.
Á grundvelli samþykktar bæjarstjórnar frá 20.06.2012 um málefni félagsheimila, er bæjarstjóra falið
að ganga til viðræðna við tilboðsgjafa um möguleg kaup á húsnæðinu og afnot af landspildu, en bæjarráð mun að öðru leyti ekki taka afstöðu til tilboðsins að svo komnu máli.