Atvinnu- og menningarnefnd

Fyrir liggja drög að samningi við Héraðsskjalasafn Austfirðinga vegna vinnu safnsins fyrir sveitarfélagið m.a. við söfnun, flokkun og skráningu skjala frá fyrrum sveitarfélögum sem nú mynda Fljótsdalshérað.

Atvinnu- og menningarnefnd samþykkir fyrir sitt leiti fyrirliggjandi samningsdrög.

Samþykkt samhljóða með nafnakalli.

Fyrir liggur til kynningar fundargerð stjórnar Héraðsskjalasafns Austfirðinga frá 6. apríl 2020.

Starfsmaður nefndarinnar kynnti áherslur og áætlun í kynningarmálum sem unnið er að m.a. í samstarfi við Þjónustusamfélagið á Héraði fyrir sumarið 2020.

Einnig lá fyrir erindi frá Hringbraut þar sem sveitarfélaginu er boðin þátttaka í gerð sjónvarpsefnis.
Atvinnu- og menningarnefnd hefur ekki fjármuni til að kaupa efni af þessu tagi.

Samþykkt samhljóða með nafnakalli.

Fyrir liggur erindi frá Benedikt Warén með tillögum um mál til umræðu um möguleg verkefni á Héraði m.a. vegna Covid 19.

Í vinnslu.

Starfsmaður nefndar gerði grein fyrir að undirbúningur að gerð fjárhagsáætlunar fyrir 2021 væri að hefjast.
Málið verður á dagskrá næsta fundar nefndarinnar.